Казанда Төркия Президенты бүләк иткән Коръәнне тәкъдир иттеләр

10 мартта Татарстан мөселманнарының Диния нәзарәте бинасында Төркия Президенты Абдуллаһ Гюль һәм аның җәмәгате Хәйрюнниса Гюльның Татарстан халкына бүләк иткән Коръән китабын тәкъдир иттеләр.

“Бүләк Төркия халкының Татарстан мөселманнарына карата тирән ихтирамы турында сөйли. Ул бик кыйммәтле һәм уникаль”, - дип билгеләп үтте Кол Шәриф мәчетенең икенче имамы Рөстәм хәзрәт Зиннуров, китапны тәкъдир иткәндә.

Бу Коръән китабы Осман империясе вакытында тулысынча кулдан язылган XVI гасырның изге Коръән китабының типографик күчермәсе. Коръән XVI гасыр уртасында 50 ел дәвамында язылган. Оста куллар 1584–1596 елларда Коръән китабының тышын ясаган. Ул уникаль тукыма һәм күннән эшләнгән. Изге Коръәнне танылган каллиграфлар Ђхмәт Карахисари һәм Хәсән Чалеби язганлыгын билгеләп үтәргә кирәк.

“Изге китапның уникальлеге үзенчәлекле итеп язылуында: каллиграфлар үзенчәлекле кара кулланган һәм китап битләренә махсус лак сеңдергән. Коръән китабы битләре кыйммәтле ташлар белән бизәлгән”, - дип ассызыклады Рөстәм хәзрәт Зиннуров.

XVI гасырның изге Коръән китабының күчермәсе 300 битле, аның 220 се Ђхмәт Карахисари тарафыннан язылган. “Бүләк Казанның Кол Шәриф мәчетендә сакланачак һәм төрле күргәзмәләргә куелачак”, - дип билгеләп үтте Рөстәм хәзрәт Зиннуров.