"2006-2015 елда РФдә физик культура һәм спортны үстерү" программасына - 100 млрд. сум акча

5 мартта ТР Яшьләр, спорт һәм туризм министрлыгында РФ Дәүләт Думасы депутаты Илдар Гыйльметдинов, журналистлар белән очрашып, соңгы вакытта федераль дәрәҗәдә эшләнгән һәм кабул ителгән, физик культура һәм спорт белән бәйле законнар, “2006-2015 елларда Россия Федерациясендә физик культура һәм спортны үстерү” федераль максатчан программаны тормышка ашыру турында сөйләде.

Илдар Гыйльметдинов сүзләренчә, РФ Дәүләт Думасы депутатлары законнар эшләү белән ныклап шөгыльләнә. “Узган ел ахырында көченә кергән яңа редакциядәге “Физик культура һәм спорт турындагы” закон маддәләрне һәм нормаларны яхшы якка үзгәртте. Закон, тулаем алганда, начар түгел. Анда федераль, төбәк һәм муниципаль хакимиятнең вәкаләтләре төгәл билгеләнгән. Допинг турында аерым бүлек бар. Бу мәсьәлә хәтта 4 маддәдә чагылыш таба”, - дип аңлатып үтте И.Гыйльметдинов. Федераль законда спорт федерацияләренә күп вәкаләтләр һәм йөкләмәләр бирелә. Законга беренче тапкыр спорт паспорты дигән төшенчә кертелгән. Спортчылар белән шартнамәләр төзү тәртибе күрсәтелгән.

Бүген Илдар Гыйльметдинов билгеләп үткәнчә, депутатлар РФнең Хезмәт кодексына да төзәтмәләр тәкъдим иткәннәр. Ђлеге төзәтмәләр тренер вазифасын рәсми рәвештә тануны таләп итә. Шулай ук кодекска спортчыларны социаль яклау, медицина күзәтчелеге, яшь спортчыларның хезмәтенә түләүгә, хатын-кыз спортчыларга кагылышлы төшенчәләр кертелә.

Соңгы вакытта спорт аренасында спортчыларның допинг куллануына бәйле рәвештә чыккан катлаулы хәлләр закон эшләүчеләргә дә йогынты ясамый калмаган. Илдар Гыйльметдинов, мәсәлән, үз спортчыларын допинг куллануга этәргән тренерларны җинаять җаваплылыгына тарту нисбәтеннән закон проектын әзерләгән. Россия Федерациясенең Ќинаять кодексына үзгәрешләр кертүне күз алдында тоткан әлеге закон проекты тренерларны, спортчылар белән эшләүче табибларны эштән азат итү, штраф салу белән бәйле. РФ Дәүләт Думасы депутаты фикеренчә, хәзерге вакытта спортчыларны аякка бастыру, тернәкләндерү үзәкләрен булдыру турында уйларга кирәк.

РФ Дәүләт Думасы депутатлары тәкъдим иткән тагын бер закон проекты спортчыларны әзерләүне югарырак дәрәҗәгә күтәрү белән бәйле.

Илдар Гыйльметдинов “2006-2015 елларда Россия Федерациясендә физик культура һәм спортны үстерү” федераль максатчан программаның ничек тормышка ашырылуына тукталып, аңа 100 млрд. сум күләмендә акча бүленүен хәбәр итте. Татарстан әлеге программада Ђгерҗе, Тукай, Ђтнә, Түбән Кама, Казанның Вахитов районнарында төзелә торган объектлар белән урын алган.