Казанда Ислам банкингы һәм финанслар буенча халыкара семинар уза

Казанда агымдагы елның 29-30 гыйнвар көннәрендә Россия Ислам университеты карамагындагы Россия Ислам икътисады һәм финанслар үзәгендә Ислам банкингы һәм финанслар буенча халыкара семинар уза. Ђлеге семинар Ислам Њсеш Банкы (Согуд Гарәбстаны Корольлеге) һәм Куала-Лумпур Бизнес Мәктәбе (Малайзия) ярдәмендә оештырыла.

Рәсми хәбәрләргә караганда, ике көнлек семинар финанс секторы җитәкчеләрен, финанс институтлары вәкилләрен Ислам банкингы һәм аның төп инструментлары белән таныштыру максатыннан җыела.

Семинарда Ислам банкингы принциплары, Ислам банкының төрле илләрдә файдаланырга мөмкин булган төп продуктлары, Ислам банкингының традицион банкингтан аермасы, Ислам банкингының проблемалары, Ислам финанславының берничә төре белән танышу мөмкинлеге тудырыла.

Семинарда төп чыгышларны Куала-Лумпур Бизнес Мәктәбе вәкилләре – әлеге мәктәпнең президенты һәм баш башкаручы директоры профессор Судин бин Харон һәм укыту буенча директоры профессор Абд Рәшид әбд Кадыйр ясый. Шулай ук Катардан спикерның килүе көтелә.

Моннан тыш 31 гыйнварда барлык кешеләр өчен мастер-класслар эшләячәк. Профессор Судин бер сәгать дәвамында Ислам финанслары өлкәсендәге иң әһәмиятле мәсьәләләргә кагылышлы сорауларга җывап бирәчәк. Семинарның ахыргы көнендә Ислам финанслары өлкәсендә, уртак эшчәнлек алып баруны дәвам итәр өчен, хезмәттәшлек турында 3 меморандумга кул кую көтелә.