Татарстан делегациясе ТЮРКСОЙ юбилеен бәйрәм итү тантаналарында катнашты
2009 елның 23 гыйнвары, җомга
“Төрки дөнья йолдызлары” концерты бәйрәм кысаларында иң күркәм вакыйга булды. Музыка сәнгате корифейлары белән бергә анда яшь талантлар да катнашты. Артистлар арасында Татарстан вәкилләре – Казан дәүләт консерваториясе ректоры, Россия һәм Татарстанның халык артисты Рубин Абдуллин һәм талантлы яшь башкаручы Филүс Каһиров бар иде.
ТР Мәдәният министрлыгының матбугат хезмәте хәбәр иткәнчә, юбилей тантаналарына мактаулы кунаклар сыйфатында төрки телле илләрдән танылган галимнәр, язучылар һәм җәмәгать эшлеклеләре чакырылган иде. Оешмада әгъза булып торучы илләрнең элеккеге мәдәният министрларына ТЮРКСОЙның формалашуына зур өлеш керткәннәре өчен медальләр һәм истәлекле бүләкләр тапшырылды.
Төркия Республикасы Мәдәният һәм туристлык министрлыгы Россиядә Төркия мәдәнияте елы кысаларында узган чараларга ярдәм күрсәткәне һәм аларны югары дәрәҗәдә оештырганы өчен ТР Мәдәният министрлыгына рәхмәт белдерде.
Искәртеп узабыз, Татарстан Россия Федерациясе составыннан беренчеләрдән булып инициатива күрсәтеп, 1992 елда ТЮРКСОЙ Халыкара оешмасына керде һәм хәзер Халыкара программаларны гамәлгә ашыруда күзәтүче буларак катнаша.
МА "Татар-информ", 2009 елның 23 гыйнваре
Бүлешү:
СОҢГЫ ЯҢАЛЫКЛАР
18
декабрь, 2025 ел
Бүген Казанда Татарстан Республикасы Муниципаль берәмлекләре советының XX съезды узды. Анда Татарстан Рәисе Рөстәм Миңнеханов, республика Дәүләт Киңәшчесе Минтимер Шәймиев, Федерация Советының Конституцион законнар һәм дәүләт төзелеше комитеты рәисе Андрей Клишас, ТР Дәүләт Советы Рәисе Фәрит Мөхәммәтшин, җирле үзидарәнең вәкиллекле органнары депутатлары ветераннары һәм «Батырлар. Герои Татарстана» мәгариф прогаммасында катнашучылар, республиканың барлык 956 муниципаль берәмлеге вәкилләре каташты. Видеоэлемтә аша съездда катнашучыларны Дәүләт Думасының Дәүләт төзелеше һәм законнар комитеты рәисе Павел Крашенинников сәламләде.
11
декабрь, 2025 ел
Бүген Казан Кремленең Вәкиллек корпусында Милләтара һәм конфессияара мөнәсәбәтләр буенча Татарстан Республикасы Рәисе каршындагы совет утырышы узды.
Утырышта Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Россия Федерациясе Дәүләт Думасының Милләтләр эшләре комитеты рәисенең беренче урынбасары Илдар Гыйльметдинов, Россия Фәннәр академиясенең Этнология һәм антропология институты фәнни җитәкчесе, академик Валерий Тишков, Россия Федерациясе Президентының Эчке сәясәт идарәсенең милли сәясәт департаменты башлыгы Татьяна Вагина (видеоконференцэлемтә режимында) катнашты.
9
декабрь, 2025 ел
Бүген Г. Камал исемендәге Татар дәүләт академия театрында Россия Федерациясе Геройларын, Социалистик Хезмәт Геройларын һәм Россия Хезмәт Геройларын, Хезмәт Даны Орденының тулы кавалерларын хөрмәтләү тантанасы узды. Шулай ук геройларның туганнары һәм якыннары, үлгәннән соң бүләкләнгән геройларның гаилә әгъзалары чакырылган иде.
Тантана Россиядә ел саен 9 декабрьдә билгеләп үтелә торган Ватан геройлары көненә багышланды. Анда Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев катнашты.
4
ноябрь, 2025 ел
Бүген М. Җәлил исемендәге опера һәм балет театрында Халыклар бердәмлеге көненә багышланган тантаналы чара – «Безнең йор т- Татарстан» республика этномәдәни фестиваленең гала-концерты узды. Тантанада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин һәм башкалар катнашты.
ЯҢАЛЫКЛАРГА ЯЗЫЛУ
Телефон:
+7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз