Татарстан һәм Беларусь 2009–2010 елларда хезмәттәшлек итү юнәлешләре буенча фикер алышачак

Татарстан һәм Беларусь 2009–2010 елларда хезмәттәшлек итү юнәлешләре буенча фикер алышачак. Хезмәттәшлек перспективалары темасы 21–22 гыйнварда Татарстан Республикасы Премьер-министры Рөстәм Миңнехановның Беларуська визиты вакытында игътибар үзәгендә булачак.

Делегация составына тармак министрлыклары җитәкчеләре һәм эшлекле даирәләр вәкилләре кергән, дип хәбәр итә БЕЛТА агентлыгы Тышкы эшләр министрлыгының матбугат хезмәтенә сылтама ясап.

Беларусь Премьер-министры Сергей Сидорский һәм ТР Премьер-министры Рөстәм Миңнеханов очрашуы нәтиҗәләре буенча, хөкүмәтара 2009–2010 елларда Татарстан һәм Беларусь арасындагы хезмәттәшлекне үстерү буенча чаралар Беркетмәсен имзалау планлаштырыла.

Татарстан делегациясе визиты программасында Гомель өлкәсенә бару каралган, анда өлкә башкарма комитеты җитәкчелеге белән очрашу булачак. Шулай ук Беларусьның алдынгы «Гомсельмаш», «МАЗ», МТЗ, «Белкоммунмаш» предприятиеләрендә булу каралган.

Тышкы эшләр министрлыгында хәбәр итүләренчә, 2008 елның гыйнвар-ноябрь айларында Беларусь Республикасы һәм Татарстан Республикасы арасында тауар әйләнеше 32,8 млрд. сум (1261,1 млн. доллар) тәшкил иткән һәм 2007 елның шул чоры белән чагыштырганда, 53,8 процентка арткан. Экспорт 8,2 млрд. сум (315,4 млн. доллар) тәшкил иткән һәм

47,9 процентка арткан, импорт - 24,6 млрд. сум (945,7 млн. доллар), 55,9 процентка арткан.

Беларусьның төп экспорты: тракторлар, автомобиль һәм тракторлар өчен запас частьлар, һава насослары, аркан, шиннар, авыл хуҗалыгы һәм юл-төзелеш техникасы.

Беларуська нефть, неорганик химия продуктлары, синтетик каучук, двигатель һәм электр генераторлары, автомобиль һәм тракторлар өчен запас частьлар, йөк машиналары җибәрелгән.