Испания компаниясе Татарстанда фермерлыкны үстерүгә 1 млрд. сумга якын акча бирергә әзер

2009 елның 20 гыйнвары, сишәмбе
20 гыйнвар көнне Испаниянең «Bastet-grupp» компаниясе Татарстанда фермерлыкны үстерүгә 1 миллиард сумга якын акча бирергә әзер. Чит ил инвесторлары ТР фермерлары тарафыннан эшләнгән берьюлы берничә проектта катнашырга ниятли.

Беренче проект элеваторлар төзүгә кагыла, анда фермерлар җыелган ашлыкны саклый алачак. Элеваторлар республиканың берничә районында торгызылырга тиеш. 22 февральдә Испания компаниясе вәкилләре әлеге корылмаларның урнашу урыны белән танышу, шулай ук икмәк кабул итү пунктлары пайчылары белән аралашу өчен Казанга киләчәк.

Икенче проект фермерлар тарафыннан күркә үстерүне күздә тота. Чит ил инвесторлары әлеге кошларны үстерү һәм эшкәртү максатыннан җиһазлар сатып алу өчен акча бүлеп бирәчәк. Шулай ук чит ил эшкуарлары әлеге производствоның өстенлекләрен урынга барып үз күзләре белән күрергә тели.

Өченче проект нигезендә фермерлар яшелчә эшкәртү белән шөгыльләнә башларга ниятли. «Bastet-grupp» компаниясе вәкилләрен әлеге производствоның (алар аны үстерүгә акча бүлеп бирәчәк) ни дәрәҗәдә табышлы булачагы да кызыксындыра.

МА "Татар-информ", 2009 елның 20 гыйнваре
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International