Казанда төрек киносы фестивале узачак

5-6 март көннәрендә Казанда Төрек киносы фестивале узачак. Ђлеге уңайдан 4 март көнне Казанга Төркия Республикасы делегациясе килә. Аның составында Кинематография һәм авторлык хокуклары дирекциясе генераль директоры Сеих Абдурахман, Төркия Дәүләт телерадиокомпаниясе генераль директоры урынбасары Зейнел Коз, Төркия Кинематографистлары берлеге рәисе Исмаил Гюнес һәм башкалар бар.

“Татаркино” дәүләт учреждениесеннән алынган мәгълүматларга караганда, “Исәнмесез” (“Здравствуйте”) дип исемләнгән фестивальдә Төркиянең иң яхшы фильмнары тәкъдим ителә. Казанда әлеге чара Азия илләрендә оештырылган “Төрки телле илләр” дигән турне кысаларында уза.

Фестивальдә Cannes, Montpellier, Seul, Pune, Houston, Selanik, San Sebestian кебек халыкара һәм милли кинофестивальләрдә уңыш яулаган картиналар күрсәтелә. Төгәлрәге, исемлектә “Вечность”, “Кораблики из арбузной корки”, “Храбрые сердца”, “Белый ангел”, “Отец и сын”, “Счастье”, “Интернационал” дигән фильмнар бар. Шул ук вакытта казанлылар игътибарына язучы Чыңгыз Айтматов әсәре буенча төшерелгән “Подаренный судьбой” дигән картина да тәкъдим ителәчәк.

Төркия фильмнары атналыгы Төркия Республикасы Мәдәният һәм туризм министрлыгы, Њсеш һәм бизнес үзәге (ТИКА), Төрки сәнгате һәм мәдәнияте берлеге (ТЮРКСОЙ), СИНЕБИР кинематографистлар берлеге тарафыннан оештырыла. Шунысын да билгеләп үтәргә кирәк: оештыручылар мондый чараларны һәм фильмнарның режиссерлары, актерлары белән иҗади очрашуларны Казакъстан, Төрекмәнстан, Кыргызстан, Ђзәрбәйҗан һәм Њзбәкстанда да уздырырга ниятли. Моннан тыш, әлеге илләрдә актерлар катнашында Гала-концерт та тәкъдим ителә.

Казанда фестиваль “Сувар-Плаза” сәүдә үзәгенең “Гранд-синема” кинотеатрында узачак.