Казанда 2009 елгы Универсиаданың чемпион хоккейчыларын каршы алдылар

2 мартта Казанга Харбинда үткән Бөтендөнья кышкы универсиадада җиңүчеләр - студентларның хоккей буенча Россия җыелма командасы әгъзалары кайтты. Безнең команда Татарстанның «Ак Барс» (Казан), «Нефтяник» (Ђлмәт) һәм «Нефтяник» (Лениногорски) клублары базасында формалашкан иде. Универсиадада студентларның хоккей буенча Россия җыелма командасы составында 12 татарстанлы чемпион булды, шул исәптә 3 “барслы”.

Татарстан башкаласының тимер юл вокзалында 2009 елгы Универсиаданың чемпионнарын тантаналы рәвештә каршы алдылар. “Без...” яшьләр хәрәкәте әгъзалары “Ќиңүчеләрне сәламлибез” транспортын, шулай ук Бөтендөнья студентлар уеннары символы ясалган плакат һәм флагларны күтәрделәр. Хоккейчыларны поезддан чыкканда рәсми затлар – ТР яшьләр эшләр, спорт һәм туризм министрының урынбасары Хәлил Шәйхетдинов, Казанның спорт комитеты җитәкчесе Илгиз Фәхриев, «Ак Барс»ның вице-президенты Равил Шәвәлиевтан чәчәкләр һәм котлаулар көтә иде.

Студентларның хоккей буенча Россия җыелма командасының баш тренеры Александр Соколов («Нефтяник», Лениногорски) журналистлар белән Кытайда җиңүдән алган хис-кичерешләре белән уртаклашты. “Бик шатлыклы хәл, бигрәк тә егетләр өчен, - дип шәрехләде ул тантаналы очрашуны. – Алар ил, Россия өчен дип уйнаулары белән бу бәйрәмгә лаек”.

А.Соколов сүзләренчә, 2009 елгы уеннарда иң катлаулысы Канада җыелма командасына каршы финал матчы булды, анда безнең егетләр 4:2 исәбе белән җиңү яулады. Канада командасы ничек булса да җиңәргә тырышты, әмма без көчлерәк икәнлегебезне күрсәттек. Егетләр иң катлаулы уенда җиңеп, беренчелекне яулады”, - дип билгеләп үтте җыелма команда остазы.

“Россия – ул бөек хоккей державасы. Биредә хоккей шул дәрәҗәдә үсеш алган ки, студентларның җыелма командасы яхшы гына уйный. Безнең команда осталык буенча да башкаларда көчлерәк иде”, - дип билгеләп үтте Александр Соколов.

Хоккейчылар автографлар биргәч, истәлеккә фотога төштеләр. “Без...” яшьләр хәрәкәте әгъзалары - Универсиада дәвамында Казанның 15 вузында үткәрелгән акцияләр инициаторлары җыелма командага республика яшьләр исеменнән дөньяви спорт аренасында җиңгән өчен рәхмәт хаты тапшырдылар.