Татарстанның күп балалы гаилә башлыгы туган көнендә “Ата-ана даны” ордены белән бүләкләнде

13 гыйнвар көнне Россия Президенты Дмитрий Медведев күп балалы ата-аналарны “Ата-ана даны” ордены белән бүләкләде. 2008 елның 13 маенда дәүләт башлыгы Указы нигезендә гамәлгә куелган бу орден беренче тапкыр тапшырыла. Бүген Кремльдә беренче тапкыр “Ата-ана даны” ордены ияләре – Россиянең төрле төбәкләреннән (Мәскәү, Санкт-Петербург, Татарстан, Якутия, Курган өлкәсе, Ростов өлкәсе, Омск өлкәсе, Дагыстан).

8 пар җыелды. ТР Әлмәт муниципаль районының 7 балалы Габсәламовлар гаиләсе башлыгы Илдар Габсәламов үз туган көнендә Россия Президенты кулыннан орден алуын билгеләп китәргә кирәк. Габсәламовларның беренче балалары 1983 елгы, ә кечесе – 1 сыйныф укучысы. Бу күп балалы гаиләдә 3 малай һәм 4 кыз тәрбияләнә. Габсәламовлар гаиләсе ТР гаиләләре арсында үткәрелә торган “Татарстан даны” конкурсында актив катнашты. Конкурсның муниципаль этабында “Минем гаиләм - минем байлыгым” номинациясендә җиңеп, республика этабына чыкты.

Дәүләт башлыгы Кремльгә балалары белән килгән ата-аналарга котлау сүзе белән мөрәҗәгать итте. Дмитрий Медведев бүген залга үзенчәлекле кешеләр җыелганлыгын һәм аларның Кремльдә бик сирәк булуларын билгеләп үтте. “Бүген беренче тапкыр “Ата-ана даны” ордены тапшырыла. Сез бу бүләккә үз һәм шулай ук тәрбиягә алынган балаларга күңел җылысын, наз һәм игътибар биреп, үстергәнегез өчен лаеклы”, - диде Дмитрий Медведев. Аерым алганда, РФ Президенты Курган өлкәсендә яшәүче Мальцевлар гаиләсендә үзләренең 5 баласы һәм 13 тәрбиягә алынган бала булуын хәбәр итте.

Дмитрий Медведев сүзләренчә, Россиядә 1,5 миллионга якын күп балалы гаилә бар, һәр алтынчы бала нәкъ шундый гаиләдә тәрбияләнә. “Сез бөтен җәмгыятькә үрнәк күрсәтәсез һәм гасырлар буена илдә нигез салынган ата-ана хезмәтенең аерым традицияләрен дәвам итәсез. - Сез балаларыгызга киләчәктә дөрес үсеш алу һәм ышанычы караш өчен җирлек бирәсез. Имин ата-ана йорты балага яхшы тормыш өчен үрнәк бирә. Андый гаиләләр шәхес талантларын яхшырак ача”.

Россия Президенты узган ел Россиядә Гаилә елы булып игълан ителүен исә төшерде. “Узган ел без сайлаган демографик сәясәт чараларының дөрес булуын күрсәтте. Без туучылар артуга өметләнгән идек һәм статистика безнең өметләрне аклады”, - дип белдерде Дмитрий Медведев. Президент тәкъдим иткән мәгълүматлар буенча 2007 елда илдә туучылар саны 8 процентка арткан, 2008 елда – 6 проценттан артыграк. Моннан тыш, узган ел 75 мең ятим бала тәрбиягә алынган.

Дәүләт башлыгы залдагы хатын-кызларга рәхмәт белдерде. “Милләтнең киләчәге һәрвакыт аналар кулында. Киләчәктә дә гаилә кыйммәте абруена теләктәшлек итәчәкбез, ә бу үз чиратында ил өчен кирәкле нәтиҗәләрне бирәчәк”, - дип шәрехләде ул. РФ Президенты Россиянең күп балалы гаиләләренә бәхет, бердәмлек һәм яхшы кәеф теләде.

“Ата-ана даны” ордены белән бүләкләү безнең өчен чын традициягә әйләнергә тиеш. Бу ата-анага тапшырыла торган үзенчәлекле бүләк һәм илебезнең үсеше өчен зур өлеш кертүне тану билгесе булып тора”, - дип мөрәҗәгать итте Дмитрий Медведев.

РФ Президенты беренче итеп, Татарстанда яшәүче Габсәламовлар гаиләсен бүләкләде.