Р.Миңнеханов: «Кече бизнес инфраструктурасы мәшгульлекне тәэмин итүгә хезмәт итәргә тиеш»

Республикада кече бизнесның эре һәм урта предприятиеләр белән нәтиҗәле хезмәттәшлегенең уңай мисалы булып мәйданында 100 дән артык арендачы предприятиеләр урнашкан «Мастер» Кама индустриаль паркы санала. Ђмма икътисади кризис җилләре аның киләчәк эшчәнлеген томан астына куя. Бүген ТР Кече һәм урта эшмәкәрлеккә ярдәм комитетының коллегия утырышында чыгыш ясаган «Мастер» КИП генераль директоры Максим Стеблов шушы күңелсез фактны бәян итте. Хәзерге вакытта әлеге индустриаль парк резидентларының 90 проценты үз эшчәнлеген туктаткан (шуларның 35 проценты «КАМАЗ» ААЌ өчен продукция җитештерә). Генераль директор аңлатуынча, бу яңа ел каникуллары белән бәйле түгел. Мондый хәл декабрьдән бирле дәвам итә. Стеблов индустриаль парк мәйданында эшләүче кече эшмәкәрләрне яшәтү өчен Хөкүмәттән ярдәм чаралары күрүне сорады. Шуларның берсе парк инфраструктурасын эш халәтендә саклап тоту өчен кирәкле минималь чыгымнар күләмендә айлык субсидияләр бирүне оештыру. Бу, аның аңлатуынча, биредә эшләүче предприятиеләрне бераз вакытка аренда түләвеннән азат итәргә булышыр иде. Коллегия эшендә катнашкан Премьер-министр Рөстәм Миңнеханов белдергәнчә, ташламалы шартлар булдырылган әзер мәйданнар эшләми икән, бу хезмәт базарына зур йогынты ясаячак. Ул хәлнең якын араларда тиешле министрлык-ведомстволар тарафыннан урынга барып өйрәнеләчәген, биредә эшләүче һәр предприятиенең аерым тикшереләчәген, аларга ярдәм юллары эшләнәчәген ышандырды.

Премьер фикеренчә, бүгенге катлаулы вәзгыять шартларында республикада җитештерү мәйданнарын саклау бик мөһим. Шуны күздә тотып, ул кризиска каршы чаралар комплексы эшләнергә тиеш дип саный. Шул шартларда мәшгульлекне тәэмин итү беренче бурыч булып кала. Кризис шартларында эре производстволардан бушатылган эшче куллар кече бизнеста урын табарга тиеш. Ђ кече бизнесның үзен бүгенге шартларда диверсификацияләү мөһим. Ђлеге төр бизнес өчен кирәкле булган технопарк, бизнес-инкубаторлар кебек барлык инфраструктура, Рөстәм Миңнеханов фикеренчә, гражданнарның мәшгульлеген тәэмин итүгә юнәлдерелергә тиеш. Премьер-министр белдергәнчә, бүгенге шартларда чиновниклардан кече эшмәкәрләргә карата карашларын үзгәртү таләп ителә. Монда бизнес эшчәнлегенә төрле тикшерүләр белән аяк чалмау хакында гына сүз бармый, ә алардагы эш урыннарын саклауда ярдәм итү зарурлыгы да күтәрелә.

Хөкүмәт башлыгы Кече һәм урта эшмәкәрлекне үстерү комитетын республика эчендә генә түгел, федераль дәрәҗәдә дә актив эшләргә, грант алу буенча федераль конкурсларда катнашырга чакырды. Шулай ук комитетның эшчәнлеген муниципалитетлар, министрлык-ведомстволар белән активлаштыру бурычын куйды.