Әстерхан мэры Сабантуй үткәрүдә ярдәм иткән өчен ТР Президентына рәхмәт белдерде

2006 елның 25 мае, пәнҗешәмбе
Татарстан Президенты адресына Әстерхан мэры урынбасары, “Дуслык” татар җәмгыяте рәисе Әнвәр Алмаевтан хат килде, дип хәбәр итә ТР Президенты матбугат хезмәте.

Хатта аерым алганда, “Татарстан Республика ярдәме белән Әстерхан өлкәсендә тугызынчы ел рәттән татар бәйрәме “Сабантуй” уздырыла. Ел саен бәйрәм зуррак күләм ала һәм тамашалырак була бар.

21 майда узган быелгы бәйрәмдә 50 меңнән артык кеше катнашты. Татарстан Республикасы Хөкүмәте тарафыннан кабул ителгән карар нигезендә, Әстерхан өлкәсенә Бөгелмә районы хакимияте башлыгы җитәкчелегендәге Татарстан Республикасы делегациясе килде. Бөгелмәлеләр тарафыннан сәүдә палаткалары һәм чатырлар куелды. Мәдәният хезмәткәрләре матур концерт бүләк итте”.

Әстерхан өлкәсенең 80 мең татары исеменнән Әнвәр Алмаев Минтимер Шәймиевкә Татарстан Республикасыннан читтә яшәүче татарларга яхшы мөнәсәбәте өчен рәхмәт белдергән.

"Татар-информ" мәгълүмат агентлыгы, 25 май 2006 ел
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International