Минтимер Шәймиев республика районнарында язгы-кыр эшләре белән таныша
2006 елның 2 мае, сишәмбе
ТР Президентын эшлекле сәфәрдә ТР авыл хуҗалыгы һәм азык-төлек министры Марат Әхмәтов, Татарстан юстиция министры Мидхәт Корманов, Дәүләт Думасы депутаты Ринат Гобәйдуллин озатып йөри.
ТР Президенты язгы-кыр эшләре барышы белән танышуын Тәтеш районыннан башлады. Биредә республика башлыгы районның авыллары һәм авыл хуҗалыгы берләшмәләре җитәкчеләре белән әңгәмә корды. Бүгенге көндә Тәтеш районының чәчелгән мәйданнары 54-58 процент тәшкил итә. Кышкы көчле салкыннарның уҗымнарга зыяны тимәгән. Район җитәкчеләре яңа техника күп кайтарылу сәбәпле, быел эшләрнең күпкә җайлырак баруын ассызыклады. Язгы-кыр эшләре дә, узган ел белән чагыштырганда, бер атнага алда бара. Очрашуда перспективалы культура рапс игү турында да сөйләшү булды. ТР авыл хуҗалыгы һәм азык-төлек министры Марат Әхмәтов сүзләренчә, республика буенча рапс 150-200 мең гектар мәйданда чәчелсә дә куркыныч түгел, чөнки әлеге культура үзебездә эшкәртеләчәк. Авыл хуҗалыгы берләшмәләре җитәкчеләре сүзләренчә, бүгенге көндә Тәтеш районында 300 гаилә терлек үстерергә биналар төзү өчен кредит алуга мохтаҗ.
Минтимер Шәймиев Тәтеш районының иң яхшы хуҗалыкларыннан берсе булган “Путь Ильича” авыл хуҗалыгы кооперативында да булды.
"Татар-информ" мәгълүмат агентлыгы, 2 май 2006 ел
Бүлешү:
СОҢГЫ ЯҢАЛЫКЛАР
18
декабрь, 2025 ел
Бүген Казанда Татарстан Республикасы Муниципаль берәмлекләре советының XX съезды узды. Анда Татарстан Рәисе Рөстәм Миңнеханов, республика Дәүләт Киңәшчесе Минтимер Шәймиев, Федерация Советының Конституцион законнар һәм дәүләт төзелеше комитеты рәисе Андрей Клишас, ТР Дәүләт Советы Рәисе Фәрит Мөхәммәтшин, җирле үзидарәнең вәкиллекле органнары депутатлары ветераннары һәм «Батырлар. Герои Татарстана» мәгариф прогаммасында катнашучылар, республиканың барлык 956 муниципаль берәмлеге вәкилләре каташты. Видеоэлемтә аша съездда катнашучыларны Дәүләт Думасының Дәүләт төзелеше һәм законнар комитеты рәисе Павел Крашенинников сәламләде.
11
декабрь, 2025 ел
Бүген Казан Кремленең Вәкиллек корпусында Милләтара һәм конфессияара мөнәсәбәтләр буенча Татарстан Республикасы Рәисе каршындагы совет утырышы узды.
Утырышта Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Россия Федерациясе Дәүләт Думасының Милләтләр эшләре комитеты рәисенең беренче урынбасары Илдар Гыйльметдинов, Россия Фәннәр академиясенең Этнология һәм антропология институты фәнни җитәкчесе, академик Валерий Тишков, Россия Федерациясе Президентының Эчке сәясәт идарәсенең милли сәясәт департаменты башлыгы Татьяна Вагина (видеоконференцэлемтә режимында) катнашты.
9
декабрь, 2025 ел
Бүген Г. Камал исемендәге Татар дәүләт академия театрында Россия Федерациясе Геройларын, Социалистик Хезмәт Геройларын һәм Россия Хезмәт Геройларын, Хезмәт Даны Орденының тулы кавалерларын хөрмәтләү тантанасы узды. Шулай ук геройларның туганнары һәм якыннары, үлгәннән соң бүләкләнгән геройларның гаилә әгъзалары чакырылган иде.
Тантана Россиядә ел саен 9 декабрьдә билгеләп үтелә торган Ватан геройлары көненә багышланды. Анда Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев катнашты.
4
ноябрь, 2025 ел
Бүген М. Җәлил исемендәге опера һәм балет театрында Халыклар бердәмлеге көненә багышланган тантаналы чара – «Безнең йор т- Татарстан» республика этномәдәни фестиваленең гала-концерты узды. Тантанада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин һәм башкалар катнашты.
ЯҢАЛЫКЛАРГА ЯЗЫЛУ
Телефон:
+7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз