Кувейтта Татарстанның икътисади потенциалын тәкъдир итү булды

2 апрельдә кич белән Кувейтта "Сальва Сабах Әл-Әхмәд" үзәге бинасында Татарстанның икътисади потенциалын тәкъдир итү булды, биредә ТР Президенты Минтимер Шәймиев һәм вакыфлар һәм ислам эшләре министры, Кувейт Дәүләтенең юстиция министры Габдулла Маатук Әль-Маатук катнашты.

Тәкъдир итүдә “Татнефть” ААҖ, “Идея” технопаркы, “Алабуга” махсус икътисади зонасы, “КАМАЗ” ААҖ эшчәнлегенең перспективалары турында сөйләнде. Үзәк холлында ТР “Татмедиа” гаммәви коммуникацияләр агентлыгы тарафыннан республикага һәм шулай ук Казанның 1000 еллыгын бәйрәм итүгә карата уздырылган чараларга багышланган фоторәсемнәр күргәзмәсе оештырылган булган. Шуннан соң тәкъдир итүгә килгән кунакларга республиканың “Түбән Кама Нефтехим”, “Казаноргсинтез”, “КАМАЗ”, Чистай сәгать заводы, Казан вертолет заводы, Гобунов исемендәге Казан авиация производство берләшмәсе, “ПОЗИС” кебек эре предприятиеләре турында сөйләүче кечкенә фильм тәкъдим ителгән.

Үзенең сәламләү чыгышында Кувейттагы Россия Федерациясе илчесе Азамат Коләхмәтов, аерым алганда, бүгенге көндә Татарстан – ул “тиз һәм тотрыклы үсә торган, республика тормыш эшчәнлеге өлкәләрен Ауропа стандартларына күчеренүне дә кертеп, үз алдына зур бурычлар куя торган төбәк”. Нәкъ менә шуңа күрә Татарстан “ышанычлы һәм перспективалы, ике як өчен дә файдалы хезмәттәшлек итү өчен ачык партнер буларак халыкара танылу алган”. А.Коләхмәтов фикеренчә, монда Россиянең иң дәрәҗәле төбәк лидерларының берсе буларак Татарстан Президенты Минтимер Шәймиевнең өлеше зур.

Тәкъдир итүгә килгән кунакларны сәламләп, Татарстан Президенты Минтимер Шәймиев, Татарстан икътисадының төрле тармакларында, шул исәптән, нефть табуда, нефть эшкәртүдә, нефть химиясендә, машина һәм вертоле, прибор, судно төзелешендә һәм агросәнәгать комплексында куәтле потенциалы бар, дип билгеләп узды.

Маатук Әль-Маатук әфәнде тәкъдир итүдә чыгыш ясап, Татарстан һәрчак ислам фикере һәм ислам фәннәренә ярдәм итте, дип ассызыклады. XIX гасыр башында нәкъ менә Казанда беренче Коръән барлыкка килгән. “Татарстан күп мөселман яши торган дәүләт һәм биредә безнең илләр арасында охшашлык чагыла”, - дип билгеләп узды Габдулла Маатук Әль-Маатук. Кувейтның сәүдә һәм сәнәгать министры Йосыф хәсән Әз- Зәльзәл Минтимер Шәймиевне Татарстанны туган республика санап, бик бәялим, дип ышандырды.

Татарстаннан Кувейтка чыгарыла торган төп тауарлар – бу җир транспорты чаралары: йөк автомобильләре һәм аларга җиһазлар. 2005 елда Кувейтка 684 автомобиль – нигездә, чүп җыю компанияләре өчен автотехника җибәрүгә тендерда җиңүчесе буларак - «КАМАЗ-43253»лар җибәрелгән. 2006 елга алдагы план нигезендә, 300 автомобиль җибәрү күз алдында тотыла. Илдә “КАМАЗ” ААҖнең рәсми теркәлгән агенты, Кувейтта «Глобал Вентуре Групп» компаниясе аша эшләүче - «АРМТ Ко» (Иордания) компаниясе эшли. Шулай ук Раи-шувейх районында (Кувейтның төньяк сәнәгать зонасы) офис белән “КАМАЗ”ларны ремонтлау һәм хезмәт күрсәтү өчен җиһазлар белән зур гараж һәм Ахмади районында гарантияле запас частьләр склады эшли.