Минтимер Шәймиев республика районнарына сәфәр кыла

2005 елның 14 июне, сишәмбе

Бүген Татарстан Президенты республиканың ике районы - Арча һәм Балтачка эшлекле сәфәр кыла. Сәфәр программасында - социаль-мәдәни объектларда, предприятиеләрдә булу, шулай ук район кырларындагы чәчүлекләрне карау. Республика Президенты Арча районында Чулпан һәм Ашытбаш торак пунктларының 2004 елның 1 сентябрендә файдалануга тапшырылган гомуми белем бирү мәктәпләрендә, 1892-1895 елларда бөек татар шагыйре Габдулла Тукай яшәгән Яңа Кырлай авылында әдәби-мемориаль комплекста булачак. "Северный" авыл хуҗалыгы җитештерү комплексында районның авыл хуҗалыгы берләшмәләре җитәкчеләре белән очрашачак.

М.Шәймиев Балтач районында Арбор авылында Мәдәният йорты ачу тантанасында катнашачак, "Татарстан сөте" ААҖнең Балтач филиалында булачак. Ул, шулай ук Рәхимов исемендәге һәм "Татарстан" хуҗалыклары кырларында сабан ашлыгы чәчүлекләрен һәм уҗым бодае чәчүлекләрен караячак.

"Татар-информ" мәгълүмат агентлыгы, 14 июнь 2005 ел

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Минтимер Шәймиев: "Милләтләр арасында шундый аңлашу булганда күңел сөенә»

Бүген Казан Кремленең Вәкиллек корпусында Милләтара һәм конфессияара мөнәсәбәтләр буенча Татарстан Республикасы Рәисе каршындагы совет утырышы узды. Утырышта Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Россия Федерациясе Дәүләт Думасының Милләтләр эшләре комитеты рәисенең беренче урынбасары Илдар Гыйльметдинов, Россия Фәннәр академиясенең Этнология һәм антропология институты фәнни җитәкчесе, академик Валерий Тишков, Россия Федерациясе Президентының Эчке сәясәт идарәсенең милли сәясәт департаменты башлыгы Татьяна Вагина (видеоконференцэлемтә режимында) катнашты.

декабрь, 2025 ел

Минтимер Шәймиев Ватан геройлары көненә багышланган тантанада катнашты

Бүген Г. Камал исемендәге Татар дәүләт академия театрында Россия Федерациясе Геройларын, Социалистик Хезмәт Геройларын һәм Россия Хезмәт Геройларын, Хезмәт Даны Орденының тулы кавалерларын хөрмәтләү тантанасы узды. Шулай ук геройларның туганнары һәм якыннары, үлгәннән соң бүләкләнгән геройларның гаилә әгъзалары чакырылган иде. Тантана Россиядә ел саен 9 декабрьдә билгеләп үтелә торган Ватан геройлары көненә багышланды. Анда Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев катнашты.

ноябрь, 2025 ел

Минтимер Шәймиев Халыклар берәмлеге көненә багышланган тантанада катнашты

Бүген М. Җәлил исемендәге опера һәм балет театрында Халыклар бердәмлеге көненә багышланган тантаналы чара – «Безнең йор т- Татарстан» республика этномәдәни фестиваленең гала-концерты узды. Тантанада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин һәм башкалар катнашты.

октябрь, 2025 ел

Минтимер Шәймиев ТР Дәүләт Советы утырышында катнашты

Бүген С. Сәйдәшев исемендәге Дәүләт Зур концерт залында җиденче чакырылыш Дәүләт Советының ундүртенче утырышы узды. Көн тәртибендәге бердәнбер мәсьәлә Татарстан Республикасы Рәисенең республиканың эчке һәм тышкы хәле турында Дәүләт Советына еллык юлламасы иде.

ЯҢАЛЫКЛАРГА ЯЗЫЛУ