Минтимер Шәймиев хезмәт хакы үсеше проблемасын хәл итүне кичектерергә уйламый

2005 елның 25 марты, җомга

Минтимер Шәймиев ТР Дәүләт Советына еллык юлламасында республикада хезмәт хакы, акча керемнәре үсеше һәм хезмәт хакы түләүдә аермалыкны киметү өчен нәтиҗәле чаралар күрергә кирәклеген ассызыклады. “Әлеге проблеманы хәл итүне шәхсән үзем кичектерергә җыенмыйм”, - дип белдерде Татарстан Президенты.

“Без кризис, тотрыклылык кичердек, икътисади үсеш күзәтелә. Бу шартларда эшләүче кешегә хезмәте өчен яшәү минимумыннан ким түләү һәм тулы хезмәт стажларын тутырган кешеләрне яшәү минимумына түбән пенсиягә җибәрүгә юл куярга ярамый. Әгәр эш бирүче үз хезмәткәрләренә минималь хезмәт хакын – минималь куллану бюджеты дәрәҗәсендәге хезмәт хакын түли алмый икән, ул нәтиҗәлерәк эшләүче һәм конкурентлыкка сәләтле продукция чыгаручы уңышлырак коллегаларына урын бирергә тиеш”, - диде ул.

"Татар-информ" агентлыгы, 25 март 2005 ел

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Минтимер Шәймиев: "Милләтләр арасында шундый аңлашу булганда күңел сөенә»

Бүген Казан Кремленең Вәкиллек корпусында Милләтара һәм конфессияара мөнәсәбәтләр буенча Татарстан Республикасы Рәисе каршындагы совет утырышы узды. Утырышта Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Россия Федерациясе Дәүләт Думасының Милләтләр эшләре комитеты рәисенең беренче урынбасары Илдар Гыйльметдинов, Россия Фәннәр академиясенең Этнология һәм антропология институты фәнни җитәкчесе, академик Валерий Тишков, Россия Федерациясе Президентының Эчке сәясәт идарәсенең милли сәясәт департаменты башлыгы Татьяна Вагина (видеоконференцэлемтә режимында) катнашты.

декабрь, 2025 ел

Минтимер Шәймиев Ватан геройлары көненә багышланган тантанада катнашты

Бүген Г. Камал исемендәге Татар дәүләт академия театрында Россия Федерациясе Геройларын, Социалистик Хезмәт Геройларын һәм Россия Хезмәт Геройларын, Хезмәт Даны Орденының тулы кавалерларын хөрмәтләү тантанасы узды. Шулай ук геройларның туганнары һәм якыннары, үлгәннән соң бүләкләнгән геройларның гаилә әгъзалары чакырылган иде. Тантана Россиядә ел саен 9 декабрьдә билгеләп үтелә торган Ватан геройлары көненә багышланды. Анда Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев катнашты.

ноябрь, 2025 ел

Минтимер Шәймиев Халыклар берәмлеге көненә багышланган тантанада катнашты

Бүген М. Җәлил исемендәге опера һәм балет театрында Халыклар бердәмлеге көненә багышланган тантаналы чара – «Безнең йор т- Татарстан» республика этномәдәни фестиваленең гала-концерты узды. Тантанада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин һәм башкалар катнашты.

октябрь, 2025 ел

Минтимер Шәймиев ТР Дәүләт Советы утырышында катнашты

Бүген С. Сәйдәшев исемендәге Дәүләт Зур концерт залында җиденче чакырылыш Дәүләт Советының ундүртенче утырышы узды. Көн тәртибендәге бердәнбер мәсьәлә Татарстан Республикасы Рәисенең республиканың эчке һәм тышкы хәле турында Дәүләт Советына еллык юлламасы иде.

ЯҢАЛЫКЛАРГА ЯЗЫЛУ