Баулы районы администрациясе башлыгы итеп Альберт Хәбибуллин билгеләнде

2005 елның 18 феврале, җомга

Татарстан Республикасы Президенты Указы нигезендә Н.Н.Хәбипов Татарстан Республикасы Баулы районы һәм Баулы шәһәре администрациясе башлыгы вазыйфасыннан азат ителде.

Татарстан Республикасы Баулы районы һәм Баулы шеһәре администрациясе башлыгы итеп А.Г.Хәбибуллин билгеләнде.

Хәбибуллин Альберт Галимҗан улы 1958 елның 2 августында Татарстан АССРның Баулы районы Баулы эшчеләр бистәсендә туган.

Казан төзүче инженерлар институтын һәм Казан авыл хуҗалыгы академиясен тәмамлап төзүче инженер һәм авыл хуҗалыгы производствосын оештыручы-икътисадчы белгечлекләре алган.

Хезмәт юлын 1977 елда "Башремстрой" трестының ремонт-төзелеш идарәсендә мастер булып башлый.

Армиядә хезмәт итеп кайткач, 1980 елдан Татарстан АССРның Баулы эшчеләр бистәсе капиталь төзелеше хуҗалыкара бүлеге инженеры, баш инженеры булып эшли.

1986-1989 елларда Баулы район агропромышленность берләшмәсе рәисенең төзелеш буенча урынбасары, хуҗалыкара төзелеш оешмасы башлыгы булып эшли.

1989-1992 елларда халык депутатларының Баулы район Советы рәисе урынбасары итеп сайлана.

1992 елдан 2001 елга кадәр Баулы районы һәм Баулы шәһәре администрациясе башлыгы урынбасары булып эшли.

2001 елның февраленнән - Татарстан Республикасы Икътисад һәм промышленность министрлыгының инфраструктур үсеш бүлеге башлыгы.

ТР Президенты матбугат үзәге, 18.02.2005.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

июнь, 2026 ел

Минтимер Шәймиев Рус теле көненә багышланган тантанада катнашты

Бүген Казанда М. Җәлил исемендәге Татар дәүләт академия опера һәм балет театрында. Рус теле көненә багышланган тантана узды. Анда Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе вазыйфаларын башкаручы Марат Әхмәтов, Татарстан Республикасы Дәүләт Советының Мактаулы рәисе Фәрит Мөхәммәтшин, Татарстан Республикасы Премьер-министры Алексей Песошин, Татарстан Республикасы Рус милли-мәдәни берләшмәсе рәисе, Татарстан Республикасы Иҗтимагый палатасы әгъзасы Ирина Александровская һәм башкалар катнашты.

Минтимер Шәймиев шагыйрь Александр Пушкин һәйкәленә чәчәкләр салуда катнашты

Бүген иртән Казанда бөек рус шагыйре Александр Пушкинның Муса Җәлил исемендәге Татар дәүләт академия опера һәм балет театры янындагы һәйкәленә чәчәкләр салу тантанасы узды.Рус теле көнен бәйрәм итүгә һәм Александр Пушкинның тууына 227 ел тулуга багышланды.

май, 2026 ел

Минтимер Шәймиев «Казан – ислам дөньясының мәдәни башкаласы» елын ачу тантанасында һәм «Россия – Ислам дөньясы: КазанФорум» XVII халыкара форумында мактаулы кунак булды

Бүген «Казан Экспо» ХКҮдә «Казан – ислам дөньясының мәдәни башкаласы» елын ачу һәм «Россия – Ислам дөньясы: КазанФорум - 2026»XVII халыкара икътисадый форумын уздыру уңаеннан тантаналы кабул итү узды.

май, 2026 ел

Минтимер Шәймиев Бөек Ватан сугышында Җиңүнең 81 еллыгы уңаеннан Казан гарнизоны гаскәрләренең узуы тантанасында булды

Бүген Татарстан Республикасы Рәисе Рөстәм Миңнеханов 1941-1945 еллардагы Бөек Ватан сугышында Җиңүнең 81 еллыгын бәйрәм итү уңаеннан Казан гарнизоны гаскәрләренең һәм махсус бүлекчәләрнең тантаналы узуында катнашты. Чарада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин, ТР Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин һәм башка рәсми затлар катнашты. Трибуналарда сугыш ветераннары, тыл хезмәтчәннәре, хәрбиләр, махсус хәрби операциядә катнашучылар һәм ветераннар, иҗтимагый оешмалар, волонтерлык хәрәкәтләре вәкилләре, дәүләт хакимияте органнары вәкилләре урын алды. .

ЯҢАЛЫКЛАРГА ЯЗЫЛУ