"КамАЗ - мастер"ның зур җиңүе

2004 елның 20 гыйнвары, сишәмбе

Инде мәгълүм булганча, 18 гыйнварда "КамАЗ" - мастер" командасы "Телефоника-Дакар - 2004" раллиенда җиңүгә иреште. Бу уңайдан Татарстан Республикасы Президенты М.Ш.Шаймиев команда җитәкчесе С.Якуповка һәм "КамАЗ" ААҖгенераль директоры С.Когогинга котлау телеграммасы җибәрде. Анда республика җитәкчесе "КамАЗ-мастер" командасы әгъзаларын һәм камазлыларның барысын да дөньядагы иң абруйлы автоузышларның берсендә җинү белән котлый.

"КамАЗ-мастер" командасы трансконтиненталь супермарафо-нының атаклы юлларында берничә көнгә сузылган авыр көрәштә янә үзенең югары дәрәҗәдәге осталыгын һәм профессионализмын, бердәмлеген һәм ныклыгын күрсәтте. Без мондый уңышның бик зур авырлыклар белән генә килүен беләбез һәм спортчыларга фидакарьлекләре, бернигә карамастан бары тик җиңүгә омтылулары өчен, ә камазлыларга команданы кыен сынауларга техник яктан тиешенчә әзерләгәннәре өчен эчкерсез рәхмәтебезне җиткерәсебез килә. Берни белән дә чагыштырып булмаслык җиңү шатлыгы һәм туган республикабызга горурлык хисе бүләк иткәнегез өчен барыгызга да рәхмәт. Чын күңелдән сезгә нык сәламәтлек, бәхет һәм иминлек, яңадан-яңа уңышлар, матур җиңүләр телим!" диелә әлеге телеграммада.

ТР Президенты матбугат үзәге.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Минтимер Шәймиев ТР Муниципаль берәмлекләре советының XX съезды эшендә катнашты

Бүген Казанда Татарстан Республикасы Муниципаль берәмлекләре советының XX съезды узды. Анда Татарстан Рәисе Рөстәм Миңнеханов, республика Дәүләт Киңәшчесе Минтимер Шәймиев, Федерация Советының Конституцион законнар һәм дәүләт төзелеше комитеты рәисе Андрей Клишас, ТР Дәүләт Советы Рәисе Фәрит Мөхәммәтшин, җирле үзидарәнең вәкиллекле органнары депутатлары ветераннары һәм «Батырлар. Герои Татарстана» мәгариф прогаммасында катнашучылар, республиканың барлык 956 муниципаль берәмлеге вәкилләре каташты. Видеоэлемтә аша съездда катнашучыларны Дәүләт Думасының Дәүләт төзелеше һәм законнар комитеты рәисе Павел Крашенинников сәламләде.

декабрь, 2025 ел

Минтимер Шәймиев: "Милләтләр арасында шундый аңлашу булганда күңел сөенә»

Бүген Казан Кремленең Вәкиллек корпусында Милләтара һәм конфессияара мөнәсәбәтләр буенча Татарстан Республикасы Рәисе каршындагы совет утырышы узды. Утырышта Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Россия Федерациясе Дәүләт Думасының Милләтләр эшләре комитеты рәисенең беренче урынбасары Илдар Гыйльметдинов, Россия Фәннәр академиясенең Этнология һәм антропология институты фәнни җитәкчесе, академик Валерий Тишков, Россия Федерациясе Президентының Эчке сәясәт идарәсенең милли сәясәт департаменты башлыгы Татьяна Вагина (видеоконференцэлемтә режимында) катнашты.

декабрь, 2025 ел

Минтимер Шәймиев Ватан геройлары көненә багышланган тантанада катнашты

Бүген Г. Камал исемендәге Татар дәүләт академия театрында Россия Федерациясе Геройларын, Социалистик Хезмәт Геройларын һәм Россия Хезмәт Геройларын, Хезмәт Даны Орденының тулы кавалерларын хөрмәтләү тантанасы узды. Шулай ук геройларның туганнары һәм якыннары, үлгәннән соң бүләкләнгән геройларның гаилә әгъзалары чакырылган иде. Тантана Россиядә ел саен 9 декабрьдә билгеләп үтелә торган Ватан геройлары көненә багышланды. Анда Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев катнашты.

ноябрь, 2025 ел

Минтимер Шәймиев Халыклар берәмлеге көненә багышланган тантанада катнашты

Бүген М. Җәлил исемендәге опера һәм балет театрында Халыклар бердәмлеге көненә багышланган тантаналы чара – «Безнең йор т- Татарстан» республика этномәдәни фестиваленең гала-концерты узды. Тантанада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин һәм башкалар катнашты.

ЯҢАЛЫКЛАРГА ЯЗЫЛУ