Президент Законга һәм Указга кул куйды

2003 елның 8 декабре, дүшәмбе

8 декабрьдә Татарстан Республикасы Президенты "2003 елга Татарстан Республикасы бюджеты турында" Татарстан Республикасы Законына үзгәрешләр һәм өстәмәләр кертү хакында"гы Татарстан Республикасы Законына һәм "Дәүләти һәм дәүләт аккредитациясенә ия булучы дәүләти булмаган мәгариф учреждениеләренең аспирантлары, студентлары һәм укучылары өчен Татарстан Республикасының махсус дәүләт стипендияләрен билгеләү турында"гы Указга кул куйды.

Законга үзгәрешләр һәм өстәмәләр кертү федераль бюджеттан максатчан средстволар алынуга һәм Татарстан Республикасы бюджетының ведомство структурасы үзгәрүгә бәйле.

Татарстан Республикасы Президенты Указы нигезендә Татарстан Республикасының 60 махсус дәүләт стипендиясе билгеләнде: шуларның 20 се - аспирантларга, 30 ы - студентларга һәм 10 ы югары һәм урта һөнәри белем учреждениеләре укучыларына. Махсус дәүләт стипендияләре студентларның, аспирантларның һәм укучыларның укудагы һәм фәнни эшчәнлегендәге аеруча зур сәләтләре өчен Татарстан Республикасы Президенты тарафыннан ел саен билгеләнәчәк.

Закон һәм Указ текстлары массакүләм мәгълүмат чараларында рәсми бастырылачак.

"Ватаным Татарстан", 9 декабрь 2003 ел

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Минтимер Шәймиев Бөек Ватан сугышында Җиңүнең 81 еллыгы уңаеннан Казан гарнизоны гаскәрләренең узуы тантанасында булды

Бүген Татарстан Республикасы Рәисе Рөстәм Миңнеханов 1941-1945 еллардагы Бөек Ватан сугышында Җиңүнең 81 еллыгын бәйрәм итү уңаеннан Казан гарнизоны гаскәрләренең һәм махсус бүлекчәләрнең тантаналы узуында катнашты. Чарада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин, ТР Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин һәм башка рәсми затлар катнашты. Трибуналарда сугыш ветераннары, тыл хезмәтчәннәре, хәрбиләр, махсус хәрби операциядә катнашучылар һәм ветераннар, иҗтимагый оешмалар, волонтерлык хәрәкәтләре вәкилләре, дәүләт хакимияте органнары вәкилләре урын алды. .

Минтимер Шәймиев Дан Мемориалы колоннадасының Мәңгелек утына чәчәкләр салу тантанасында катнашты

Бүген Казанда, Җиңү паркында Дан Мемориалы колоннадасының Мәңгелек утына чәчәкләр салу тантанасы булды. Анда Татарстан Рәисе Рөстәм Миңнеханов, Татарстан Дәүләт Киңәшчесе, Россия Хезмәт Герое Минтимер Шәймиев, Татарстан Премьер-министры Алексей Песошин, Татарстан Республикасы Дәүләт Советы Рәисе вазыйфаларын башкаручы Марат Әхмәтов, Татарстан Республикасы Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин катнашты.

май, 2026 ел

Минтимер Шәймиев Бөек Ватан сугышында Җиңүнең 81 еллыгына багышланган тантанада катнашты

Бүген Муса Җәлил исемендәге Татар дәүләт академия опера һәм балет театрында Бөек Ватан сугышында Җиңүнең 81 еллыгына багышланган тантана узды. Анда Татарстан Рәисе Рөстәм Миңнеханов, ТР Дәүләт Киңәшчесе Минтимер Шәймиев, ТР Дәүләт Советының мактаулы рәисе Фәрит Мөхәммәтшин, Хакимият ТР Рәисе Администрациясе җитәкчесе Әсгать Сәфәров, Татарстан Премьер-министры Алексей Песошин һәм башкалар катнашты.

апрель, 2026 ел

Минтимер Шәймиев Туган тел көненә һәм бөек татар шагыйре Габдулла Тукайның тууына 140 ел тулуга багышланган тантанага катнашты

Бүген Казанда, Г.Камал исемендәге театрның яңа бинасында Туган тел көненә һәм бөек татар шагыйре Габдулла Тукайның тууына 140 ел тулуга багышланган тантана узды. Анда Татарстан Рәисе Рөстәм Миңнеханов, Татарстан Дәүләт Киңәшчесе Минтимер Шәймиев, ТР Дәүләт Советы Рәисе вазыйфаларын башкаручы Марат Әхмәтов, ТР Дәүләт Советының Мактаулы рәисе Фәрит Мөхәммәтшин катнашты.

ЯҢАЛЫКЛАРГА ЯЗЫЛУ