М.Шәймиев табыш салымына ташламаларның бетерелүен хуплый

2003 елның 29 ноябре, шимбә

Казан. 29 ноябрь. Интерфакс. Татарстан Президенты Минтимер Шәймиев салым түләүчеләрнең аерым категорияләре өчен табыш салымына ташламаларның бетерелүен яклый.

Федерация Советы инвестиция проектларын тормышка ашыручы салым түләүчеләрнең аерым категорияләренә карата табыш салымына ташламаларның гамәлдә булуын 2004 елның 1 гыйнварыннан тулысынча туктатуны күздә тоткан законны кабул итүне яклап тавыш бирде. Ташламалар РФ субъектларының закон чыгару органнары һәм җирле үзидарә вәкиллекле органнары тарафыннан билгеләнгән иде.

"Бу - принципиаль әһәмиятле адым, ул күптәннән өлгереп җиткән иде инде", - диде М.Шәймиев "Интерфакс"ка биргән интервьюда.

Аның фикеренчә, башта территорияләрне үстерү белән кызыксындыру өчен билгеләнгән ташламалар салымнар түләүдән читләшүгә, ведомство эчендәге явыз нияттә файдалануларга уңай шартлар тудырды, салым базасын "үзенә җәлеп итү" буенча төбәкләр арасында намуссыз көндәшлеккә этәрде.

Республика башлыгы шулай ук "эчке оффшорлар" эшчәнлегенең күңелсез тәҗрибәсен искә төшерде.

"Аерым бер территория, әлбәттә, отты, ә башкалары? Әгәр проблеманы бөтен Россия икътисады дәрәҗәсендә карап карасак, инвестиция салуларның көтелгән нәтиҗәләр бирмәвен, бигрәк тә төбәкләрнең җыелма бюджет югалтулары белән чагыштырырлык булмавын күрмәскә мөмкин түгел. Алардагы предприятиеләр һәм оешмалар, социаль проблемаларны читкә куеп, салым күзлегеннән чыгып караганда, салым агымнарын уңайлырак урыннарга күчерделәр", - диде М.Шәймиев.

"Ватаным Татарстан", 2 декабрь 2003 ел

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Минтимер Шәймиев ТР Муниципаль берәмлекләре советының XX съезды эшендә катнашты

Бүген Казанда Татарстан Республикасы Муниципаль берәмлекләре советының XX съезды узды. Анда Татарстан Рәисе Рөстәм Миңнеханов, республика Дәүләт Киңәшчесе Минтимер Шәймиев, Федерация Советының Конституцион законнар һәм дәүләт төзелеше комитеты рәисе Андрей Клишас, ТР Дәүләт Советы Рәисе Фәрит Мөхәммәтшин, җирле үзидарәнең вәкиллекле органнары депутатлары ветераннары һәм «Батырлар. Герои Татарстана» мәгариф прогаммасында катнашучылар, республиканың барлык 956 муниципаль берәмлеге вәкилләре каташты. Видеоэлемтә аша съездда катнашучыларны Дәүләт Думасының Дәүләт төзелеше һәм законнар комитеты рәисе Павел Крашенинников сәламләде.

декабрь, 2025 ел

Минтимер Шәймиев: "Милләтләр арасында шундый аңлашу булганда күңел сөенә»

Бүген Казан Кремленең Вәкиллек корпусында Милләтара һәм конфессияара мөнәсәбәтләр буенча Татарстан Республикасы Рәисе каршындагы совет утырышы узды. Утырышта Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Россия Федерациясе Дәүләт Думасының Милләтләр эшләре комитеты рәисенең беренче урынбасары Илдар Гыйльметдинов, Россия Фәннәр академиясенең Этнология һәм антропология институты фәнни җитәкчесе, академик Валерий Тишков, Россия Федерациясе Президентының Эчке сәясәт идарәсенең милли сәясәт департаменты башлыгы Татьяна Вагина (видеоконференцэлемтә режимында) катнашты.

декабрь, 2025 ел

Минтимер Шәймиев Ватан геройлары көненә багышланган тантанада катнашты

Бүген Г. Камал исемендәге Татар дәүләт академия театрында Россия Федерациясе Геройларын, Социалистик Хезмәт Геройларын һәм Россия Хезмәт Геройларын, Хезмәт Даны Орденының тулы кавалерларын хөрмәтләү тантанасы узды. Шулай ук геройларның туганнары һәм якыннары, үлгәннән соң бүләкләнгән геройларның гаилә әгъзалары чакырылган иде. Тантана Россиядә ел саен 9 декабрьдә билгеләп үтелә торган Ватан геройлары көненә багышланды. Анда Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев катнашты.

ноябрь, 2025 ел

Минтимер Шәймиев Халыклар берәмлеге көненә багышланган тантанада катнашты

Бүген М. Җәлил исемендәге опера һәм балет театрында Халыклар бердәмлеге көненә багышланган тантаналы чара – «Безнең йор т- Татарстан» республика этномәдәни фестиваленең гала-концерты узды. Тантанада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин һәм башкалар катнашты.

ЯҢАЛЫКЛАРГА ЯЗЫЛУ