Абруебыз арта

- Әлеге бәйрәмгә куп кыенлыкларны җиңеп ирешелде, без төрле милләт һәм төрле конфессия кешеләрен берләштерүгә ирештек, - диде Татарстан Президенты Минтимер Шәймиев 30 августта Казан Кремлендә булып узган дипломатик вәкиллекләр җитәкчеләре белән очрашуда.

Моннан 1З ел элегрәк Республиканың Югары Советы Татарстанның дәүләт суверенитеты турында Декларация кабул итте. Әлеге документ шул кыен чорда безгә тынычлыкны саклап калуга булышты. Шуннан соң "Россия Федерациясе дәүләт хакимияте органнары белән Татарстан Республикасы дәүләт хакимияте органнары арасында үзара эшләр бүлешү һәм вәкаләтләр алмашу турында" Россия Федерациясе һәм Татарстан Республикасы Шартнамәсенә кул куелды.

Республика үзгәртеп кору чорыннан соңгы кыска гына вакыт эчендә промышленность продукциясе күләмнәре буенча Россия Федерациясе төбәкләре арасында беренче бишлеккә керде.

Бәйрәм һәрчак кунаклар белән күркәм, дип искәртте Минтимер Шәймиев. Ул Татарстан Хөкүмәте, Дәүләт Советы һәм республиканың барлык халкы исеменнән игътибар өчен дипломатик вәкиллекләр җитәкчеләренә рәхмәт әйтте.

Минтимер Шәймиев республика казанышларына җентекләп тукталды һәм, проблемаларның күп булуына карамастан, бәйрәмдә фәкать күркәм эшләр турында гына сөйләргә кирәк, дип искәртеп, Татарстанда тормышка ашырылып килүче дәүләт программалары турында сөйләде, 27 илдән, аерым алганда, Австралиядән, Әфганстан, Иордания, Кения, "Колумбия, Лаос, Мексика, Нигерия, Пакьстан, Уругвай Филиппин, Чили, Эфиопия, Швеция һ.б. килгән илчеләрнең күп кенә сорауларына җавап бирде.

Аерым алганда, Россия төбәкләрендә тулаем продуктны ике тапкырга арттырып буламы, дигән сорауга Минтимер Шәймиев, Татарстан, үсеш кенә түгел, нәтиҗәле үсеш булырга тиеш, дигән позициядә тора, дип билгеләп үтте. Үсеш азрак та булырга мөмкин, әмма аның нәтиҗәлелеге түбән була алмый. Татарстан 1995 елдан бирле икътисадый үсештә һәм, мисалга, нефть чыгару күләмен 30 миллион тоннага кадәр җиткерергә һәм әле бу сан белән генә тукталып калмаска ниятли. Шуның белән бергә, нефть химиясе һәм машина төзелеше продукциясен, кече һәм урта бизнес аша хезмәт күрсәтүләр күләмен һ.б арттыру буенча җитди эш алып барыла.

Шулай ук чит илләр белән товар әйләнеше күләмен арттыру өчен Татарстанның чит илләрдәге вәкиллекләренең ролен дә арттырырга кирәк.

Очрашу ахырында РФ Тышкы эшләр министрлыгы каршындагы дипломатларга хезмәт күрсәтү буенча Баш җитештерү идарәсе начальнигы, РФ Тышкы эшләр министрлыгы коллегиясе әгъзасы Иван Сергеев искәртеп узганча, республикага дипломатик вәкиллекләр җитәкчеләренең килүе Татарстанның халыкара бергәлектәге рейтингын арттыруга ярдәм итәчәк.

Шул ук көнне чит илләр дәүләтләренең илчеләр делегациясе азан Кремленә экскурсия ясады, Муса Җәлил һәйкәленә чәчәкләр куйды.