Россия Федерациясе Президенты В.В.Путинның Татарстан Республикасы халкын Республика көне белән котлавы

2003 елның 1 сентябре, дүшәмбе
Сезне Республика көне белән котлыйм!

Әлеге бәйрәм күпмилләтле Татарстанның барлык халыкларын берләштерә. Аның тарихы чын мәгънәсендә тигез хокуклы федератив мөнәсәбәтләр төзүгә юл ачкан Россияне демократик яңарту белән аерылгысыз бәйле.

Бүген Татарстан икътисадый, социаль һәм мәдәни үсештә үзенең казанышлары белән хаклы рәвештә горурлана. Әлеге казанышлар артында хезмәт сөючәнлек, кешеләрнең эшлекле һәм иҗади инициативасы ята. һәм, әлбәттә инде, аларның нигезе - республикада кадерләп сакланыла торган этникара, конфессияара килешү.

Барлык дәрәҗәдәге хакимиятләрнең бергәләп төгәл һәм көйле эшләвенең, Россия федерализмының бай потенциалын үстерүнең безгә алга таба да төбәкләр, шулай ук бөтен Россия мәнфәгатьләрендә иң катлаулы бурычларны нәтиҗәле хәл кылу мөмкинлеге бирәчәгенә ышанам. Татарстан Республикасында яшәүчеләргә чын күңелдән нык сәламәтлек һәм иминлек телим.

В.ПУТИН
30 август, 2003 ел.

Татарстан Республикасы Президенты исеменә федераль хакимият органнары һәм Россия Федерациясе субъектлары җитәкчеләреннән дә котлау телеграммалары алынды.

ТР Президентны матбугат үзәге, 1 сентябрь 2003 ел.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International