Минтимер Шәймиев " Михаил Козловский. Дәвер» фотокүргәзмәсен карады
Бүген «Хәзинә» милли сәнгать галереясендә фоторәссам, Татарстан Республикасының атказанган мәдәният хезмәткәре Михаил Козловскийның тууына 70 ел тулуга багышланган (1954 - 2018) «Михаил Козловский. Дәвер" дип аталган фотокүргәзмә ачылды.
Галереяның өч залында төрле жанрдагы 200дән артык эш тәкъдим ителгән. Төп өлеше Минтимер Шәймиевнең фотосурәтләреннән тора, чөнки Михаил Козловский 1992-2018 елларда ТР Президентының Матбугат хезмәтендә эшләгән. Михаил Козловский бүген күргәзмәне ачу тантанасында катнашкан Татарстан Республикасының Беренче Президенты Минтимер Шәймиевнең шәхси фотографы иде.
"Без Михаил Козловский белән озак еллар эшләдек. Табигать аңа бүләк иткәннәрне ул бик яхшы тормышка ашырды. Ул тыйнак һәм талантлы иде. Иҗаты, сабырлыгы һәм янәшәдә булганы өчен рәхмәт аңа», – дип билгеләп үтте ТР Дәүләт Киңәшчесе Минтимер Шәймиев.
Ул Михаил Козловскийның гаилә әгъзаларына: аның хатыны Милитина Вульфовнага, уллары Леонид һәм Эмильгә күргәзмәне оештыруда актив катнашканнары өчен рәхмәт белдерде.
Күргәзмә Татарстан Республикасы Рәисенең һәм «Татмедиа» республика матбугат һәм массакүләм коммуникацияләр агентлыгының ярдәме белән оештырылды.