ЯҢАЛЫКЛАР

Татарстанга эш сәфәре белән Виктор Басаргин килде

Миланда «Pirelli» компаниясе офисында Россия Федерациясе Федераль Җыены Дәүләт Думасында Татарстаннан депутат Хафиз Салихов «Pirelli» Компанияләр Төркеме президенты Марко Тронкетти Провера белән очрашты.

23 июль көнне ТР Министрлар Кабинетында Татарстанда наноиндустрия проектларын финанслау буенча ведомствоара эшче төркем белән республиканың проект-программаларын гамәлгә ашыруда РФ дәүләт органнары белән хезмәттәшлек буенча республика ведомствоара комиссиясенең уртак утырышы узды.

30 июльдән 8 августка кадәр Казанда студентлар һәм аспирантларның «Симбиоз-2009» XIII Европа симпозиумы үткәреләчәк.

Быел Казанда коммерцияле торакны кулланылышка тапшыру күләме бераз киметеләчәк.

Муниципаль ихтыяҗлар өчен товарлар һәм хезмәтләр сатып алуда Татарстан электрон мәйданны куллану буенча Россиядә лидерларның берсе. Башка төбәкләр безгә килеп республиканың бу өлкәдәге тәҗрибәсен өйрәнә. Ә шул ук вакытта үзебезнең кайбер муниципалитетлар ук муниципаль ихтыяҗлар өчен сатып алуларда шушы электрон мәйдан мөмкинлекләреннән файдалана белми. 20 июль көнне бу хакта ТР Министрлар Кабинеты һәм ТР Муниципаль берәмлекләр советы Президиумнарының уртак утырышында сүз булды. Утырыш Премьер-министр Рөстәм Миңнеханов рәислегендә узды.

Агымдагы елда Казан метрополитены төзелешенә федераль бюджеттан 500 миллион сумга якын акча бүленәчәк.

Казанда 2013 елда үткәреләчәк Универсиадага төзелергә тиешле спорт объектлары һәм корылмаларының федераль бюджет хисабына салына торганнарының 29ында да, акча күчерелгәннән соң 1 атна дигәндә, эш башланды.

Казан авиация җитештерү берләшмәсе Ту–160 самолетларын модернизацияләү һәм техник хезмәт күрсәтү буенча дәүләт заказларын үтәвен дәвам итәчәк, шулай ук Россия җитәкчелеге өчен махсус самолетлар төзиячәк. Бу хакта бүген РФ Хөкүмәте вице-премьеры Сергей Иванов Казанда Горбунов исемендәге Казан авиация җитештерү берләшмәсенең киләчәк язмышына багышланган киңәшмәдә белдерде.