ЯҢАЛЫКЛАР

Аңа энергетиканың бүгенге хәленә бәя бирү, тармакны аз югалтулар белән кризистан чыгару юллары хакында конструктив тәкъдимнәр туплау мәйданы буларак зур өметләр баглана

ТР Премьер-министры Рөстәм Миңнеханов Сербиядә эш сәфәрендә. Визитның максаты – ил башкаласы Белград шәһәрендә 2009 елгы җәйге Универсиаданы ачу тантанасында катнашу.

Сессиянең көн тәртибенә Татарстан Президенты Минтимер Шәймиевнең 2010-2012 елларга республиканың икътисади һәм финанс сәясәте турындагы докладын кертү көтелә

1 июль көнне Казанда “Геосәясәт һәм Евразиянең икътисади динамикасы: тарих, хәзерге заман, перспективалар” дип исемләнгән II Евразия фәнни форумы ачылды.

30 июнь көнне Казан шәһәре мэры Илсур Метшин, Универсиада авылы төзелеше эшләре белән танышу максатыннан, әлеге объектта булды.

30 июнь кынне “Татмедиа” агентлыгындагы брифингта катнашкан ТР Дәүләт заказы, инвестицион эшчәнлек һәм төбәкара элемтәләр буенча агентлыкның генераль директоры Яков Геллер 2013 елда булачак Универсиада объектларына товар сатып алуда “үтә күренмәлелекне” тәэмин итү турында аңлатма бирде.

29 июнь көнне Сингапурда республика министрлык һәм ведомстволары җитәкчеләре өчен белем бирү семинары башланды. Ике атна дәвамында Татарстанның дәүләт хезмәткәрләре республикабыз өчен махсус эшләнгән программа буенча квалификацияләрен арттырачак.

Санкт-Петербургка Сабантуйга барган ТР Дәүләт Советы рәисе Фәрит Мөхәммәтшин җитәкчелегендәге рәсми делегация Мариин театрында “Шүрәле” балетының яңартылган постановкасын карады. Татарстан парламенты матбугат хезмәте хәбәр иткәнчә, сәнгать җитәкчесе бөтен дөньяга билгеле Россия дирижеры Валерий Гергиев булган “Шүрәле” балеты “Ак төннәр йолдызлары” дип аталган унҗиденче халыкара фестивальнең иң якты вакыйгасына әйләнгән.

Санкт–Петербург татарлары өчен июнь аеның ахыргы якшәмбесе – аеруча кадерле көн. Ярты гасырдан артык инде җирле татарлар бу көнне Сабан туен бәйрәм итә. Санкт-Петербург татарларын котларга килгән ТР Дәүләт Советы рәисе Фәрит Мөхәммәтшин җитәкчелегендәге делегация белән берлектә губернатор Валентина Матвиенко да бәйрәм чараларында катнашты.