ЯҢАЛЫКЛАР

29 июнь көнне Сингапурда республика министрлык һәм ведомстволары җитәкчеләре өчен белем бирү семинары башланды. Ике атна дәвамында Татарстанның дәүләт хезмәткәрләре республикабыз өчен махсус эшләнгән программа буенча квалификацияләрен арттырачак.

Санкт-Петербургка Сабантуйга барган ТР Дәүләт Советы рәисе Фәрит Мөхәммәтшин җитәкчелегендәге рәсми делегация Мариин театрында “Шүрәле” балетының яңартылган постановкасын карады. Татарстан парламенты матбугат хезмәте хәбәр иткәнчә, сәнгать җитәкчесе бөтен дөньяга билгеле Россия дирижеры Валерий Гергиев булган “Шүрәле” балеты “Ак төннәр йолдызлары” дип аталган унҗиденче халыкара фестивальнең иң якты вакыйгасына әйләнгән.

Санкт–Петербург татарлары өчен июнь аеның ахыргы якшәмбесе – аеруча кадерле көн. Ярты гасырдан артык инде җирле татарлар бу көнне Сабан туен бәйрәм итә. Санкт-Петербург татарларын котларга килгән ТР Дәүләт Советы рәисе Фәрит Мөхәммәтшин җитәкчелегендәге делегация белән берлектә губернатор Валентина Матвиенко да бәйрәм чараларында катнашты.

Казан шәһәре Башкарма комитеты идарәләре һәм комитетлары, шәһәр районнары җитәкчеләренең “дүшәмбе киңәшмәсе”ндә мэр Илсур Метшин узган атнадагы эшчәнлеккә йомгак ясап, ул оештыру эшләренә бай булды, дип белдерде. Арада иң күләмлесе – узган шимбә көнне Казанда үткәрелгән “Сотворение мира”/”Тынычлык булдыру” рок-фестивале.

28 июнь көнне Сербия башкаласында Бөтендөнья студентлар уеннарын оештыру тәҗрибәсен үзләштерүче Татарстан волонтерлары делегациясе Россия Яшьләр көнен киң колач белән билгеләп үтте.

Татарстан Республикасы Дәүләт Советы Рәисе Ф.Х.Мөхәммәтшин Яшьләр көне уңаеннан котлау белән чыкты.

Ульяновскида РФ Президентының Идел буе федераль округындагы Тулы вәкаләтле вәкиле каршындагы Советның "Төзелеш өлкәсендәге вәзгыять һәм Идел буе федераль округы төбәкләре кабул итә торган ярдәм итү чаралары"на багышланган утырышы үтте.

26 июньдә Әлмәттә "Татнефть" ААҖ акционерларының еллык җыелышында Директорлар советы сайланды, аның составы үзгәрмәде.

25 июньдә Татарстан Республикасы Министрлар Кабинетында ТР Хөкүмәте башлыгы Рөстәм Миңнеханов Россия Президенты каршындагы физкультура һәм спортны, югары казанышлар спортын үстерү, XXII кышкы Олимпия уеннарына әзерлек һәм аны үткәрү буенча Иминлек советының даими эшче төркеме җитәкчесе Олег Сыромолотов белән очрашты.

25 июньдә ТР Министрлар Кабинетында 2008-2009 еллар өчен М.Җәлил исемендәге Республика премиясе лауреатларын бүләкләү тантанасы булды. Аны Татарстан Премьер-министры Рөстәм Миңнеханов үткәрде.