ЯҢАЛЫКЛАР

ТР Яшьләр эшләре, спорт һәм туристлык министрлыгы Россия Авыр атлетика федерациясе инициативасы нигезендә, 2011 елның 7–17 апрель көннәрендә Казанда авыр атлетика буенча Ауропа чемпионатын үткәрүгә заявка бирде.

8 июль көнне М.Җәлил исемендәге Татар дәүләт опера һәм балет театрында Дж.Пуччининың “Мадам Баттерфляй” операсы концерты тәкъдим ителә.

Быел, июньнән башлап, Татарстанда 66 студентлар хезмәт отряды исәпләнә, алар рәтенә барлыгы 1874 кеше керә.

Татарстан Президенты Минтимер Шәймиев Әлмәт районында эш сәфәрендә булды. Республика Илбашы Ашальчинский нефть табу урынында авыр нефтьне чыгару буенча Россия өчен уникаль булган авыш мачталы бораулау җайланмасын карады.

Торакка мохтаҗ Бөек Ватан сугышы ветераннарына һәм инвалидларына биреләчәк фатирларның торак нормативы 22 кв.метрдан 36 кв.метрга кадәр арттырылу турындагы мәсьәлә 5 июньдә РФ Дәүләт Думасында каралып, 17сендә Федерация Советы хуплаганнан соң, шушы көннәрдә РФ Президенты Дмитрий Медведев имзалаган «Бөек Ватан сугышы ветераннарын торак белән тәэмин итү турында»гы Указ нигезендә, Казанда торакка мохтаҗ Бөек Ватан сугышы ветераннары быел ук фатирлы булырга тиеш, дип белдерде шәһәр җитәкчелегенең «дүшәмбе киңәшмәсе»ндә мэр Илсур Метшин.

Татарстанның Премьер-министры Рөстәм Миңнеханов Федераль салым хезмәтенең ТР буенча Идарәсенең хезмәт коллективына яңа җитәкчене тәкъдим итте.

4 июль көнне Ульяновскида узган федераль Сабантуйда берничә дистә мең кеше катнашты. Бәйрәм Җиңү паркы территориясендә үтте.