ЯҢАЛЫКЛАР

"Эре сәнәгать һәм белем бирү үзәге булган Татарстанда югары класслы белгечләргә ихтыяҗ зур. Шуңа да республика җитәкчелеге яшьләргә ныклы белем бирүгә, аларга практикада белемнәрен реализацияләү мөмкинлеге тудыруга зур игътибар бирә". "Пирамида"да республиканың сәләтле яшьләрен хөрмәтләү тантанасында Премьер-министр Рөстәм Миңнеханов талантлы егет-кызларның республика өчен ролен шулай билгеләде.

15 декабрьдә ТР сәнәгать һәм сәүдә министры Равил Зарипов Индонезия Республикасының Россия Федерациясендәге Гадәттән тыш һәм Тулы вәкаләтле илчесе Хәмид Авалудин әфәнде белән очрашты. Яклар үзара мәгълүмат алмашты һәм хезмәттәшлекнең ихтимал юнәлешләре хакында фикер алышты, дип хәбәр итә ТР Сәнәгать һәм сәүдә министрлыгының матбугат хезмәте.

Татарстан Республикасы Хөкүмәт Йортында үткән брифингта Татарстан Республикасы Сәнәгать һәм сәүдә министры Равил Зарипов журналистларга Премьер-министр Рөстәм Миңнеханов җитәкчелегендә республика делегациясенең Бахрейнга (2009 елның 6-7 декабре) һәм Австриягә (2009 елның 9-11 декабре) визиты нәтиҗәләре турында сөйләде.

Ул 10 декабрь көнне Австриянең башкаласы Венада Сәнәгать үсеше буенча БМО оешмасы (ЮНИДО) белән Татарстан Республикасы арасында хезмәттәшлек турында Меморандумга кул куелуын искәртеп үтте. Документка ЮНИДО генераль директоры Кандэ Юикелла әфәнде һәм Татарстан Республикасы Премьер-министры Рөстәм Миңнеханов кул куйдылар.

15 декабрь көнне ТР Сәнәгать һәм сәүдә министрлыгында Финляндиянең Лахти шәһәре Инновацион-технологик үзәге вәкилләре белән очрашу үтте.

Татарстанның яшь галиме Марат Мөхәммәдьяров Яшьләрнең II Бөтенроссия инновация Конвенты җиңүчесе булды.

ТР Яшьләр эшләре, спорт һәм туризм министрлыгыннан алынган хәбәрләргә караганда, Конвентның республика этабына Татарстан яшьләре 47 проект тәкъдим иткән булган. Иң яхшы 3 проект октябрь ахырында Түбән Новгородта округ этабында катнашкан.

ТР Премьер-министры Рөстәм Миңнеханов "Химград" технополисын үстерү мәсьәләләре буенча киңәшмә уздырды. "Идея Капитал" ИК" ААҖ генераль директоры Альберт Кәримов хәбәр иткәнчә, технополис мәйданына яңа резидентлар килүен дәвам итә, халыкара компанияләр белән планлы сөйләшүләр алып барыла. Аның сүзләренә караганда, якын арада "Химгард" мәйданында энергетика куәтләрен арттыру таләп ителә. Бу технополисның үзен үстерү өчен дә, гамәлдәге производстволарны киңәйтү өчен дә кирәк. Мәсәлән, резидентларның берсе булган "Данафлекс" компаниясе 2010 елда энергия куллануны арттыру зарурлыгын белдергән.

14 декабрьдә Татарстан Республикасы Хөкүмәт йортында Татарстан Республикасы Премьер-министры Рөстәм Миңнеханов “Химград” (Казан) технополисы үсеше сораулары буенча киңәшмә үткәрде.

“УК “Идея Капитал” ААҖ генераль директоры Альберт Кәримов әйтүенчә, технополис мәйданчыгында яңа резидентлар килүе дәвам итә, планлы рәвештә халыкара компанияләр белән сөйләшү эшләре алып барыла.

Альберт Кәримов якын арада “Химград” технополисы мәйданчыгына технополисның үзен үстерү өчен дә, инде булган җитештерүләрне киңәйтү өчен дә энергетик егәрлекләрне арттыру кирәк булачагын әйтте. Аерым алганда, “Данафлекс” компаниясе (“Химград” технополисы резиденты) 2010 елда энергия кулланылышын арттырырга кирәк булачагын әйтте.

14 декабрьдә Казан Кремлендә Татарстан Республикасы Куркынычсызлык Советы утырышы булды. Утырышта Татарстан Республикасы Президенты Минтимер Шәймиев катнашты.

14 декабрьдә "Советский спорт" һәм "Комсомольская правда" газеталары Россия Спорт, туристлык һәм яшьләр сәясәте министрлыгы ярдәмендә оештырган "Россиянең алтын командасы" илкүләм премиясенең җиңүчеләре игълан ителәчәк. Газета укучылар тарафыннан сайлап алынган җиңүчеләрнең исемнәре 14 декабрьдә тантаналы шартларда игълан ителәчәк һәм алар "Россиянең алтын командасы"на керәчәк.

Дәүләт аккредитациясе булган вузларга 2010 елда кабул итү кагыйдәләре һәм имтиханнар исемлеге билгеләнде. РФ Мәгариф һәм фән министрлыгының бу хактагы боерыклары агымдагы елның 21 һәм 28 октябрь көннәрендә дөнья күргән.

ТР Мәгариф һәм фән министрлыгының рәсми сайтыннан алынган хәбәргә караганда, Россиянең барлык вузлары 2010 елның 1 февраленә кадәр Интернеттагы сайтларында кабул итү кагыйдәләре, лицензия нигезендә әзерлек юнәлешләре турындагы мәгълүмат, шулай ук һәр юнәлеш буенча кабул итү имтиханнары исемлеген урнаштыра. Вуз һәр юнәлеш буенча өч яки дүрт кабул итү имтиханын билгеләргә хокуклы, моңа рус теел һәм профиль имтиханы да керә.