Татарстан Республикасы Президенты М.Шәймиевнең раштуа бәйрәме уңаеннан котлавы

2003 елның 8 гыйнвары, чәршәмбе

Хөрмәтле православие динен тотучы гражданнарыбыз!

Сезне, православие руханиларын, православие динен тотучы һәркемне Раштуа бәйрәме белән чын күңелдән котлыйм!

Дөньяда ихтирам ителүче диннәр арасында христиан дине иң йогынтылы диннәрнең берсе булып тора. Ул югары әхлакый кыйммәтләрне вәгәзьли. Аларны тоту кешеләрне рухи яктан пакьләндерә, тормышның иҗтимагый һәм гаилә нигезләрен ныгыта.

Православие дине Татарстан тарихында да бик мөһим мәдәни роль уйнады. Башка диннәр белән тыныч-тату яшәү һәм үзара түземле булу, башка халыкларның мәдәниятләрен ихтирам итү һәм бергәләп дус яшәү зарурлыгын тою - бу традицияләрнең барысының да республикабызда 1000 еллык тарихы бар. Соңгы унъеллыкның катлаулы шартларында милләтара һәм конфессия-ара тынычлыкны саклау - Татарстан иминлегенең һәм чәчәк атуының иң мөһим шарты, һәм аны тәэмин итүдә республиканың православие динен тотучылар аерым роль уйный.

Татарстан Республикасында җәмгыятьтә тотрыклы-лыкны һәм тынычлыкны саклау өчен бик күп эшләнелә. Яңа гыйбадәтханәләр төзелә һәм искеләре яңартыла, якшәмбе мәктәпләре ачыла, православие динен тотучы яшьләр оешмалары төзелә. 2002 елда Дини семинариянең беренче чыгарылышы булды.

Шунысы куанычлы: дин әһелләре тырышлыклары белән торгызыла торган дин гражданлык җәмгыяте тормышында көннән-көн зуррак әһәмияткә ия була бара, үсеп килүче буынны тәрбияләүдә һәм илдә сәламәт психологик климат булдыруда дәүләт органнарына, иҗтимагый институтларга илдә тынычлык һәм татулыкны саклап калуга ярдәм итә.

Сезнең барыгызга да нык сәламәтлек, уйларыгыз-ның чиста һәм якты булуын, изге эшләрегездә уңышлар һәм бәхет телим. Раштуа бәйрәмендә Татарстанда яшәүче һәркемнең күңеле шатлык белән тулы булсын, һәр гаиләдә иминлек һәм тынычлык булсын!

ЧИТАТЬ ВСЕ ПУБЛИКАЦИИ

Выступления, интервью

август, 2022 ел

Татарстан Республикасының Беренче Президенты, Татарстан Республикасы Дәүләт Киңәшчесе М.Ш.Шәймиевнең Бөтендөнья татар конгрессының VIII съездында чыгышы

Хөрмәтле делегатлар! Газиз милләттәшләребез! Хөрмәтле Президентыбыз Рөстәм Нургали улы! Безнең барчабызны да бүгенге истәлекле дата – Бөтендөнья татар конгрессы төзелүгә 30 ел тулу белән тәбрик итәм! Билгеле булганча, 90 нчы елларда – җәмгыятьне үзгәртеп кору шартларында, Россия Федерациясе үз хокукларын киңәйтү турында Декларация кабул иткәннән соң, безнең республикабыз Татарстан, озакка сузмыйча, үз вәкаләтләре турында Декларация игълан итте. Шул форсаттан файдаланып, 30 ел элек без, татарлар, үз тарихыбызда беренче тапкыр, бөтен дөньядан тарихи Ватаныбызга җыелдык. Без ул чакта очраштык-күрештек, татарның милләт буларак исәнлегенә ышандык. Ул чакта безгә конгрессның җыелу факты һәм рухи бердәмлегебезне раслау бик мөһим иде.

июль, 2021 ел

Минтимер Шәймиев: «Чиркәүне тергезү күпмилләтле Татарстан һәм Россия өчен дә бик мөһим»

https://vatantat.ru/2021/07/59102/ Татарстан Республикасы Дәүләт Киңәшчесе, “Яңарыш” Республика фондының Попечительләр советы Рәисе Минтимер Шәймиевнең “Татарстан – Яңа гасыр” телерадиокомпаниясе генераль директоры Илшат Әминов белән әңгәмәсе – Минтимер Шәрипович, Сез Мәрьям ананың Казан иконасының Ватикандагы күчермәсен Казанга кайтару эшен башлап йөрүчеләрнең берсе булдыгыз. Шул хакта сөйләсәгез иде. – Христиан дөньясының аерым кадер-хөрмәтенә ия Мәрьям ана иконасының нәкъ менә безнең җиребездә – Казанда барлыкка килүе белән без һәрвакыт горурланып яшибез. Әлеге тылсымлы икона табылган урында салынган храмны тергезү теләге һәрвакыт яшәп килгәндер дип уйлыйм. Без чиркәүгә һәм Мәрьям ананың Казан иконасына кагылышлы фаҗигале тарихны белә идек. Әмма моңа кадәр безнең халыкның аны тергезү эшенә тотынырга мөмкинчелеге булмады. Дөресен генә әйткәндә, бер буын гомере дәвамында чиктән тыш күп катлаулы вакыйгалар кичерелгән: 1917 елгы революция, күмәкләштерү, репрессияләр, Бөек Ватан сугышы, илне сугыштан соң торгызу, 70 ел буе динсез җәмгыятьтә яшәү, аннан соң үзгәртеп кору — милек формасын һәм сәяси системаны алмаштыру. Заманалар шундый булды.

апрель, 2021 ел

Татарстан Республикасының Беренче Президенты, Татарстан Республикасы Дәүләт Киңәшчесе Минтимер Шәрип улы Шәймиевнең ТР Фәннәр академиясенең “Габдулла Тукай XX–XXI гасырлар мәдәни киңлегендә” конференциясендә чыгышы

Хөрмәтле ватандашлар! Кадерле кунаклар! Уважаемые соотечественники! Дорогие гости! Бөек Тукаебызның тууына 135 ел тулуга багышлап, төрки кардәшләребез, илебез төбәкләре галимнәре катнашында, зурлап үткәрелүче бүгенге фәнни җыен – гаять күркәм күренеш. Моның өчен барыгызга да зур рәхмәт! Бу җыен Габдулла Тукай иҗатының үзе яшәгән гасыр кысаларыннан чыгып, һәрдаим киләчәккә үрләп баруын дәлилләп тора. Димәк, Тукай һәрвакыт янәшәбездә!

май, 2020 ел

Минтимер Шәймиев: «Кыйблабыз дөреслеген тормыш үзе раслады»

Тарихның һәр чоры аерым шәхесләр эшчәнлеге белән бәйле. Татарстан тарихында Минтимер Шәймиев исеме аерым урын алып тора. Ул җитәкчелек иткән елларны еш кына «Шәймиев чоры» дип тә атыйлар. Чөнки беренче Президент җәмгыятьтәге бөтен үзгәрешләрнең үзәгендә кайнады, республика һәм милли мәсьәләләргә кагылышлы кызу бәхәсләр барганда хәлиткеч сүзне әйтте. «Ватаным Татарстан» газетасына Татарстанның беренче Президенты, Дәүләт Киңәшчесе Минтимер Шәрип улы ШӘЙМИЕВ үзгәртеп кору чоры, милләтара дуслык, республика һәм туган тел язмышы турында сөйләде.