М.Шәймиев: ипотека халыкка кулай булырга тиеш

2004 елның 26 гыйнвары, дүшәмбе

Татарстан Президенты Минтимер Шаймиев ипотека торак кредитының халык өчен уңай системасын булдыру ягында.

Республика җитәкчесе Интерфакска биргән интервьюсында, бу - халыкның барлык катлауларының, шул исәптән кереме уртачадан кимрәк булганнарның да хәленнән килерлек, кредит шартлары кулай булган социаль юнәлешле торак ипотекасы булырга тиеш, дигән фикерен белдерде.

"Бүген дәүләтнең моның өчен җитәрлек финанс мөмкинлекләренә ия булуына иманым камил. Нәкъ менә хәзер икътисадтагы уңай вәзгыятьтән файдаланып калырга кирәк, әмма моның өчен сәяси ихтыяр көче күрсәтеп, торак төзелеше өлкәсендә киң колачлы ыргылыш ясарга кирәк", - диде М.Шәймиев.

Бүгенге көнгә формалашкан ипотека кредиты дәүләт ярдәменнән башка халык үрелерлек түгел. Шуңа күрә Хөкүмәтнең Дәүләт Думасына кертелә торган яңа закон проектлары тормышыбыз чынбарлыгын чагылдырырга һәм гражданнарыбызның торак шартларын яхшыртуга шартлар тудырырга тиеш, диде республика җитәкчесе.

"Ипотека кредиты, шул исәптән тузган торакны бетерү дә, ә болар бик күп кешенең мәнфәгатьләренә кагыла, байтаксредстволар, әмма федераль казнаның хәленнән килерлек средстволар таләп итә. Килеп туган базар шартларында халыкның бер өлеше үзен нормаль торак шартлары белән тәэмин итә алмый", - дип искәртте М.Шәймиев.

Республика җитәкчесе фикереңчә, торак төзү - "оттырышсыз вариант", чөнки гаять зур социаль проблема хәл ителә, шуңа параллель рәвештә торак-коммуналь хуҗалыгы үзгәртеп корыла, төзелеш индустриясендә бик күп яңа эш урыннары пәйда була бит.

"Мин бу хактд Татарстан үрнәгендә сөйли алам, чөнки бездә тузган торакны бетерү һәм яңасын төзү программасын тормышка ашыруда сигезьеллык тәҗрибәсе бар", - дип билгеләп үтте М.Шәймиев.

Аның әйтүенчә, республикада "Тузган торак "программасы кысаларында 40 меңнән артыграк гаилә яңа фатир белән тәэмин ителде.

Республика җитәкчесе, илебез халкының тормыш дәрәҗәсе акрынлап яхшыра бара, һәм торак-коммуналь хуҗалыгы проблемаларын хәл итү никадәр озакка сузылса, халыкның зур күпчелегенең канәгатьсезлеге шулкадәр көчлерәк булачак, дип искәртте.

ЧИТАТЬ ВСЕ ПУБЛИКАЦИИ

Выступления, интервью

август, 2022 ел

Татарстан Республикасының Беренче Президенты, Татарстан Республикасы Дәүләт Киңәшчесе М.Ш.Шәймиевнең Бөтендөнья татар конгрессының VIII съездында чыгышы

Хөрмәтле делегатлар! Газиз милләттәшләребез! Хөрмәтле Президентыбыз Рөстәм Нургали улы! Безнең барчабызны да бүгенге истәлекле дата – Бөтендөнья татар конгрессы төзелүгә 30 ел тулу белән тәбрик итәм! Билгеле булганча, 90 нчы елларда – җәмгыятьне үзгәртеп кору шартларында, Россия Федерациясе үз хокукларын киңәйтү турында Декларация кабул иткәннән соң, безнең республикабыз Татарстан, озакка сузмыйча, үз вәкаләтләре турында Декларация игълан итте. Шул форсаттан файдаланып, 30 ел элек без, татарлар, үз тарихыбызда беренче тапкыр, бөтен дөньядан тарихи Ватаныбызга җыелдык. Без ул чакта очраштык-күрештек, татарның милләт буларак исәнлегенә ышандык. Ул чакта безгә конгрессның җыелу факты һәм рухи бердәмлегебезне раслау бик мөһим иде.

июль, 2021 ел

Минтимер Шәймиев: «Чиркәүне тергезү күпмилләтле Татарстан һәм Россия өчен дә бик мөһим»

https://vatantat.ru/2021/07/59102/ Татарстан Республикасы Дәүләт Киңәшчесе, “Яңарыш” Республика фондының Попечительләр советы Рәисе Минтимер Шәймиевнең “Татарстан – Яңа гасыр” телерадиокомпаниясе генераль директоры Илшат Әминов белән әңгәмәсе – Минтимер Шәрипович, Сез Мәрьям ананың Казан иконасының Ватикандагы күчермәсен Казанга кайтару эшен башлап йөрүчеләрнең берсе булдыгыз. Шул хакта сөйләсәгез иде. – Христиан дөньясының аерым кадер-хөрмәтенә ия Мәрьям ана иконасының нәкъ менә безнең җиребездә – Казанда барлыкка килүе белән без һәрвакыт горурланып яшибез. Әлеге тылсымлы икона табылган урында салынган храмны тергезү теләге һәрвакыт яшәп килгәндер дип уйлыйм. Без чиркәүгә һәм Мәрьям ананың Казан иконасына кагылышлы фаҗигале тарихны белә идек. Әмма моңа кадәр безнең халыкның аны тергезү эшенә тотынырга мөмкинчелеге булмады. Дөресен генә әйткәндә, бер буын гомере дәвамында чиктән тыш күп катлаулы вакыйгалар кичерелгән: 1917 елгы революция, күмәкләштерү, репрессияләр, Бөек Ватан сугышы, илне сугыштан соң торгызу, 70 ел буе динсез җәмгыятьтә яшәү, аннан соң үзгәртеп кору — милек формасын һәм сәяси системаны алмаштыру. Заманалар шундый булды.

апрель, 2021 ел

Татарстан Республикасының Беренче Президенты, Татарстан Республикасы Дәүләт Киңәшчесе Минтимер Шәрип улы Шәймиевнең ТР Фәннәр академиясенең “Габдулла Тукай XX–XXI гасырлар мәдәни киңлегендә” конференциясендә чыгышы

Хөрмәтле ватандашлар! Кадерле кунаклар! Уважаемые соотечественники! Дорогие гости! Бөек Тукаебызның тууына 135 ел тулуга багышлап, төрки кардәшләребез, илебез төбәкләре галимнәре катнашында, зурлап үткәрелүче бүгенге фәнни җыен – гаять күркәм күренеш. Моның өчен барыгызга да зур рәхмәт! Бу җыен Габдулла Тукай иҗатының үзе яшәгән гасыр кысаларыннан чыгып, һәрдаим киләчәккә үрләп баруын дәлилләп тора. Димәк, Тукай һәрвакыт янәшәбездә!

май, 2020 ел

Минтимер Шәймиев: «Кыйблабыз дөреслеген тормыш үзе раслады»

Тарихның һәр чоры аерым шәхесләр эшчәнлеге белән бәйле. Татарстан тарихында Минтимер Шәймиев исеме аерым урын алып тора. Ул җитәкчелек иткән елларны еш кына «Шәймиев чоры» дип тә атыйлар. Чөнки беренче Президент җәмгыятьтәге бөтен үзгәрешләрнең үзәгендә кайнады, республика һәм милли мәсьәләләргә кагылышлы кызу бәхәсләр барганда хәлиткеч сүзне әйтте. «Ватаным Татарстан» газетасына Татарстанның беренче Президенты, Дәүләт Киңәшчесе Минтимер Шәрип улы ШӘЙМИЕВ үзгәртеп кору чоры, милләтара дуслык, республика һәм туган тел язмышы турында сөйләде.