ЯҢАЛЫКЛАР

3 сентябрь көнне Казан Кремлендә узган очрашуда дару бәяләрен җайга салу мәсьәләләре хакында фикер алыштылар.

Казанның хәләл кафеларының изге Рамазан ае башлану белән эш графигы үзгәрде. Хәләл стандартына туры килә торган кафелар 21–22 сәгатькә кадәр эшли.

Агымдагы елның июлендә республика предприятие-оешмалары хезмәткәрләренең уртача эш хакы күләме, узган елның шул чоры белән чагыштырганда – 2,5 процентка, агымдагы елның июнь аена караганда – 3,5 процентка кимегән. Татарстанстат хәбәр иткәнчә, июль аенда уртача хезмәт хакы күләме 15 222 сум тәшкил иткән.

Бүген бөтен илгә танылган хәйрияче Әсгать Галимҗанов изге эшләр исемлеген тулыландырды.

4 сентябрьдә Татарстан башкаласында дөньяның 25 иленнән килгән 62 автомобиль һәм 21 йөк машинасы экипажлары “Ефәк юлы” раллиенда катнашу өчен административ һәм техник тикшерүләр уза башлаячак.
Казанда 5 сентябрьдә старт алачак киң колачлы чарага әзерләнәләр, ул чын мәгънәсендә спорт бәйрәменә әверелер дип көтелә. Шәһәр үзәгеннән узучы 2013 метрлы супер–махсус участок аның төп үзенчәлеге булачак. Махсус участокның озынлыгы символик мәгънәгә ия, чөнки 2013 елда Татарстан башкаласы 27 нче Бөтендөнья җәйге Универсиадасын кабул итәчәк.

ТРда 4 млн. 303,5 мең тонна ашлык җыеп алынган. 1 млн. 515,9 мең гектарда ашлык суктырылган. Бу хакта “Татар-информ” агентлыгы хәбәрчесенә ТР Авыл хуҗалыгы һәм азык-төлек министрлыгында белдерделәр.

ТР Премьер-министры Рөстәм Миңнеханов Татарстанның Биектау районына сәфәр кылды. Ул Белем көненә багышланган чарада катнашты.

“Рубин” футбол клубы базасында Казан командасының яшь спортчылары өчен интернат-мәктәбен ачу тантанасы булды. Бу чарада Татарстан Премьер-министры Рөстәм Миңнеханов катнашты.