ЯҢАЛЫКЛАР

25 гыйнварда Казан Кремленың Президент сараенда ТР Президенты Минтимер Шәймиев, ТР Премьер-министрының беренче урынбасары Равил Моратов, ТР Дәүләт Советы Рәисе урынбасары Римма Ратникова һәм республиканың югары уку йортлары ректорлары катнашында, узган ел нәтиҗәләре буенча Татарстан Республикасы дәүләт стипендияләренә лаек булган аспирантлар, студентлар һәм укучы яшьләр белән очрашты.

25 гыйнвар ТР Дәүләт Советы Рәисе Фәрит Мөхәммәтшин җитәкчелегендәге Татарстан Республикасы парламент делегациясенең АКШка рәсми визиты башланды.

Бу - республика парламент делегациясенең Америка Кушма Штатларына шундый дәрәҗәдәге тәүге визиты. РФ субъектларының закон чыгару (вәкиллекле) органнары һәм Төньяк Америка штатлары арасында парламентара элемтәләр урнаштыру АКШ Дәүләт секретаре Хиллари Клинтонның 2009 елның ахырында Мәскәү һәм Казанга ясаган визитыннан соң мөмкин булды.

Татарстан делегациясе визиты кысаларында Фәрит Мөхәммәтшин Ак йорт һәм Дәүләт департаментының рәсми вәкилләре, шулай ук АКШ Конгрессы закон чыгаручылары белән очрашачак.

Дәүләт Советының матбугат хезмәтеннән хәбәр итүләренчә, РФ белән мөнәсәбәтләр мәсьәләләре буенча АКШ Дәүләт секретаре урынбасары Дэн Рассел, АКШ Конгрессының РФ белән эшләү буенча Комиссиясе рәистәше, сенатор Бен Нельсон, АКШ милли куркынычсызлык Советының Россия һәм Евразия эшләре буенча өлкән директоры, АКШ Президентының махсус ярдәмчесе Майкл Макфол белән фикер алышулар узачак.

РФ Президентының Идел буе федераль округындагы тулы вәкаләтле вәкиле Григорий Рапота "Идел буе федераль округының барлык студентларын һәм мөгаллимнәрне, укучы яшьләрне һәм әле күптән түгел генә яки күп еллар элек югары уку йортын тәмамлаучыларны күңелле һәм мәңге яшь бәйрәм - Студентлар көне" белән котлады.

"Студент еллары - яшьлекнең иң гүзәл вакыты, аның һәр көне яңа очрашулар һәм онытылмас хис-тойгылар алып килә. Йөрәгендә әлеге кичерешләрне саклаучыларның күңеле картаймый, алар тормыш сөючән һәм оптимист булып кала.

Язын Татарстанда Болоньяның (Италия) Һөнәрчеләр консорциумы презентациясе узачак. Бүген ТР Сәнәгать һәм сәүдә министрлыгында әлеге консорциум вәкилләре белән очрашу узды. Министрлыкның матбугат хезмәте хәбәр иткәнчә, очрашуда ике арада хезмәттәшлекнең мөмкин булган юнәлешләре тикшерелгән.

Аеырм алганда, Татарстанда махсус продукция ташу өчен "КАМАЗ" автомобильләре өчен тагылма (прицеплар) җитештерү, автопокрышкалар эшкәртү, казаннар җитештерү белән бәйле производстволарны оештыру мөмкинлеге каралган.

ТР Президенты Минтимер Шәймиев кушуы буенча муниципаль берәмлек башлыклары 25 -29 гыйнвар көннәрендә Сингапурда стажировка узачак. Дәүләт идарәсенең нәтиҗәлелеген күтәрү максатыннан уздырылучы бу укулар Сингапурның Ли Куан Ю исемендәге Сәяси тикшеренүләр мәктәбе һәм Дәүләт хезмәте колледжы базасында узачак, дип хәбәр итә ТР Икътисад министрлыгының матбугат хезмәте.

Әлеге уку йортлары яңа буын сәясәтчеләр һәм лидерларны укыту һәм әзерләү белән шөгыльләнә. Биредә төрле илләрдән ел саен 2000 ләп дәүләт хезмәткәре курслар уза. Билгеле булганча, ТР Хөкүмәте белән Сингапурның Дәүләт хезмәте колледжы арасында хезмәттәшлек һәм үзара ярдәмләшү турындагы килешү гамәлдә. Документ узган елның сентябрендә Премьер-министр Рөстәм Миңнеханов җитәкчелегендәге Татарстан делегациясенең IV Россия-Сингапур эшлекле форумы кысаларында әлеге Азия иленә сәфәре вакытында имзаланган иде.

23 гыйнварда Казан Кремлендә Татарстан Республикасы Президенты Минтимер Шәймиев Россия һәм республика ГМЧ журналистлары өчен матбугат конференциясе үткәрде. Анда Минтимер Шәймиев үз кандидатурасын республика Илбашы вазыйфасына тәкъдим итмәү буенча кичә кабул иткән шәхси карарын шәрехләде.

The Republic of Tatarstan President Mintimer Shaimiev gave a press-conference for Russian and Tatarstan journalists at Kazan Kremlin on Saturday January 23. Mintimer Shaimiev made comments on his decision to reject the nomination for post of the republican head.

After State Council session on January 22 in Moscow, Russia President held a working meeting with Tatarstan President. Mintimer Shaimiev made a request not to consider his candidacy for the post of the republican leader after his presidential term expiry on Mar 25, 2010. Russia President will recommend RT Prime Minister Rustam Minnikhanov for the post of Tatarstan Headt in connection with Mintimer Shaimiev’s rejection of nomination.

23 гыйнварда ТР Хөкүмәте йортында Татарстан Премьер-министры Рөстәм Миңнеханов һәм Россиянең баш нейрохирургы - Бурденко исемендәге нейрохирургия фәнни-тикшеренү институты директоры Александр Коновалов агымдагы елның сентябрендә Казанда Бөтендөнья нейрохирургия оешмалары федерациясе курслары уздыру мәсьәләсе буенча фикер алышты.

Очрашуда ТР сәламәтлек саклау министры Айрат Фәррахов һәм Бурденко исемендәге нейрохирургия фәнни-тикшеренү институты директорының урынбасары Александр Потапов катнашты.

Александр Коновалов курслар үткәрү урыны буларак Казан очраклы сайланмады, дип белдерде. "Казан - ул тарихи һәм фәнни үзәк, югары мәдәниятле шәһәр. Татарстан башкаласына курслар үткәрү өчен бөтен дөньядан зур белгечләр киләчәк", - диде ул.

Россиянең баш нейрохирургы курслар үткәрү традициягә әйләнде, дип белдерде. Соңгы тапкыр Иркутскида үткәрелгән курсларда Россия, АКШ, Канада, Бразилия, Япония, Франция, Германиядән нейрохирургиянең төрле бүлекләре буенча 300дән артык табиб-белгечләр катнашты. Лекцияләр курсы бигрәк тә яшь нейрохирургларга кызыклы булачак. "Кешеләр мондый курслардан соң үз белгечлекләренә яңача карый башлый, яңа идеяләр пәйда була", - дип искәртте Александр Коновалов.

Татарстан Фермерлар һәм крестьян хуҗалыклары ассоциациясе Италия эшмәкәрләре делегациясе белән сөйләшүләр алып барды. Италия эшмәкәрләре Татарстан фермерлары белән бергә ТР территориясендә авыл хуҗалыгы продукциясен эшкәртү предприятиеләренең уртак челтәрен булдырырга әзер булуларын белдерде.

РФ Президенты Дмитрий Медведев "Татнефть" ААҖ генераль директоры Шәфәгать Тәхаутдиновка 2008-2009 елларда Шанхай хезмәттәшлек оешмасында Россия рәислеген тәэмин итүгә, ШХОда әгъза булып торучы дәүләтләр башлыклары Советы утырышын һәм 2009 елда Екатеринбургта Бразилия, Россия, Һиндстан, Кытай илләренең беренче саммитын әзерләүдә зур өлеш керткәне өчен рәхмәт белдерде. Бу хакта "Татар-информ" мәгълүмат агентлыгына "Татнефть"нең матбугат хезмәтендә белдерделәр.