ЯҢАЛЫКЛАР

Россия Федерациясе Хөкүмәте Рәисе Владимир Путиннан Татарстан Республикасы Президенты Минтимер Шәймиев исеменә 2013 елгы Бөтендөнья җәйге универсиадасын үткәрү хокукы өчен көрәштә Татарстан Республикасы башкаласының җиңүе белән котлап телеграмма килде.

4 июньда Казан Кремлендә Татарстан Президенты Минтимер Шәймиев рәислегендә, ТР Президенты каршындагы "Дәүләт торак фонды" коммерцияле булмаган оешманың Попечительләр советы утырышы узды.

"Дөнья илләре бер-берсе белән дуслашырга тиеш. Ә бию үзара аңлашу табуга илтүче иң якын юл". Бүген "Бәхетле балачак" IV халыкара бию фестивалендә катнашучылар алдында ясаган чыгышында ТР Президенты Минтимер Шәймиев әнә шулай дип белдерде.

31 май көнне Брюссельдә FISU башкарма комитетының 27 әгъзасының 2013 елгы Бөтендөнья җәйге Универсиаданы уздыру хокукына дәгъва итүче шәһәрләр өчен тавыш бирү нәтиҗәләре игълан ителде. Казан уңай 20 тавыш белән көндәшләрен - Испаниянең Виго һәм Көньяк Кореяның Гван Джу калаларын беренче турыда ук артта калдырды.

Татарстан Президенты Минтимер Шәймиев исеменә ТР Спортның су асты төрләре федерациясе президенты Дмитрий Шелердан котлау телеграммасы килгән. Телеграмма 100 процентка Татарстан Республикасы спортчы-аквалангистларыннан төзелгән Россия командасының су астында йөзү буенча дөнья беренчелегендә катнашып, әлеге спорт төре буенча алтын медальләр яулавына бәйле рәвештә җибәрелгән

28 май көнне Татарстан Республикасы Президенты Минтимер Шәймиев Мөслим муниципаль районында эш сәфәрендә. Илбашын ТР транспорт һәм юл хуҗалыгы министры Илдус Фәсхетдинов, ТР Президенты каршындагы Дәүләт торак фонды башкаручы директоры Тәлгать Абдуллин озатып йөри.

27 май көнне Россия Премьер-министры Владимир Путин "Алабуга" махсус икътисади зонасында булды. Эшлекле сәфәрендә аны ТР Президенты Минтимер Шәймиев һәм ТР Премьер-министры Рөстәм Миңнеханов озатып йөри.

26 майда Татарстан Президенты Минтимер Шәймиев, Казанның "Пирамида" мәдәни-күңел ачу комплексында узган ТР муниципаль берәмлекләре советының III съездында, җирле үзидарә органнары эшчәнлеге проблемаларына тукталып, тәфсилле чыгыш ясады.

23 май көнне Татарстан язучылары берлегенең уналтынчы корылтаенда, иҗат әһелләре эшчәнлегенә бәяләмә биреп, уй-фикерләре, киңәш-тәкъдимнәре белән ТР Президенты Минтимер Шәймиев чыгыш ясады.

22 май көнне Татарстан Республикасы Президенты Минтимер Шәймиев Казан Кремлендә, ТР Язучылар берлеге идарәсе рәисе, ТР атказанган сәнгать эшлеклесе Илфак Ибраһимов җитәкчелегендә килгән Татарстан язучылары белән очрашты.