ЯҢАЛЫКЛАР

Бүген Татарстан Республикасы Дәүләт Киңәшчесе, “Яңарыш” Республика фонды Попечительлек советы рәисе Минтимер Шәймиев РФ Мәдәният министры Владимир Мединский белән очрашты.

Бүген Татарстан Республикасы Дәүләт Киңәшчесе Минтимер Шәймиев ТРның атказанган мәдәният хезмәткәре Михаил Козловскийга дәүләт бүләге – Татарстан Республикасының “Фидакарь хезмәте өчен” медален тапшырды.

Бүген Казанда “Хәзинә” Милли сәнгать галереясендә ТР Президенты матбугат хезмәтенең әйдәп баручы белгече Михаил Козловскийның юбилей фотокүргәзмәсе ачылды. 24 мартта фотографка 60 яшь тула.

Болгарда археология паркы һәм фәнни-тикшеренү лабораториясе булдырылачак. Бүген әлеге проект “Яңарыш” фондының Халыкара ведомствоара фәнни-методик эксперт советы утырышында тәкъдим ителде. Чара ТР Дәүләт Киңәшчесе, “Яңарыш” респбулика фонды Попечительлек советы рәисе Минтимер Шәймиев катнашында узды.

Минтимер Шәймиев билгеләп үткәнчә, Болгарны һәм Зөяне торгызу буенча эш дәвам итә, ә карау өчен эксперт советына чыгарылган мәсьәлә аның яңа этабы булып тора.

Бүген Татарстан Республикасы Дәүләт киңәшчесе, “Яңарыш” республика фондының Попечительлек советы рәисе Минтимер Шәймиев ТКХны реформалауга ярдәм фонды – Дәүләт корпорациясенең күзәтчелек советы рәисе Сергей Степашин белән очрашты.

Татарстан Республикасы Дәүләт Киңәшчесе, Республика “Яңарыш” фондының Попечительләр Советы рәисе Минтимер Шәймиев, Казанда “Эхо Москвы” радиостанциясенең “Культурный разговор” программасында туры эфирга чыкты. Программа “Татарстанның мәдәни мирасы: борынгы Болгар шәһәре һәм Зөя утрау-шәһәрлеге” проектының гамәлгә ашырылу барышына багышланган иде. Минтимер Шәймиев Болгар һәм Зөядә эшләнгән эшләр һәм алда эшләнәсе эшләр турында сөйләде. Шулай ук радио тыңлаучыларның “Яңарыш” фондының киләчәктәге эшчәнлегенә караган сорауларына җавап бирде.

Туры эфирдан соң, Минтимер Шәймиев журналистларга үзенең Мәскәүдә, Кырым татарлары Милли Мәҗлесенең элеккеге башлыгы, Украинаның Югары Рада депутаты Мостафа Җәмилев белән очрашуы турында сөйләде.

Бүген Татарстан Республикасы Дәүләт Киңәшчесе Минтимер Шәймиев Мәскәүдә Украинаның Югары Рада депутаты Мостафа Җәмилев белән Украина һәм Кырымдагы вазгыять турында фикер алыштылар.

Бүген Татарстан Республикасының Дәүләт Киңәшчесе Минтимер Шәймиев, Украинаның Югары рада депутаты Мостафа Җәмилев үтенече буенча, Кырымдагы вазгыять турында сөйләшү өчен Мәскәүгә китте.