ЯҢАЛЫКЛАР

Бүген Татарстан Республикасы Дәүләт киңәшчесе Минтимер Шәймиев Мәскәүдә Россия Президентына кандидат Владимир Путинның ышанычлы затлары белән очрашуында катнашты. Очрашуда кичә РФ Үзәк сайлау комиссиясе раслаган 500гә якын кеше катнашты.

Татарстан Республикасы Дәүләт киңәшчесе Минтимер Шәймиев Россия Президентына кандидат Владимир Путинның ышанычлы заты булу тәкъдимен кабул итте.

Татарстан Дәүләт Киңәшчесе Минтимер Шәймиев I дәрәҗә Столыпин медаленә лаек булды.

Бүген ТР Дәүләт Киңәшчесе Минтимер Шәймиев Болгар музей-тыюлыгында һәм Болгар шәһәрендә булды. Ул “Татарстанның мәдәни мирасы: борынгы Болгар шәһәре һәм Зөя утрау-шәһәрчеге” проектын гамәлгә ашыру кысаларында төзелә торган объектларда эшләрне оештыру мәсьәләләренә багышланган күчмә киңәшмә үткәрде.

Россия Федерациясе Президенты Дмитрий Медведев һәм Россия Федерациясе Хөкүмәте Рәисе Владимир Путин Татарстан Республикасы Дәүләт Киңәшчесе Минтимер Шәймиевне 75 яшьлек юбилее белән котлады.

Россия Федерациясе Тышкы эшләр министрлыгы, Татарстан Республикасы Президенты вазифасындагы зур хезмәтләрен игътибарга алып, Россия Федерациясенең бердәм тышкы сәяси курсын гамәлгә ашыру һәм федерализм нигезләрен ныгыту эшенә гаять зур өлеш керткәне өчен Минтимер Шәймиевкә ведомство күкрәк билгесен тапшырды.

Бүген Казан Кремлендә Татарстан Республикасының тарихи һәм мәдәни һәйкәлләрен торгызу буенча Республика Фонды Халыкара Эксперт Советы Президиумы утырышы узды. Дәүләт киңәшчесе Минтимер Шәймиев рәислегендә узган утырышның көн кадагына ике мәсьәлә куелды: Болгар шәһәрлеген өйрәнү һәм музейлаштыру буенча 2012-2014 нче елларга каралган чаралар планына төп концептуаль карашлар һәм тәкъдимнәр мәсьәләсе буенча ТР Фәннәр Академиясе Мәрҗани исемендәге Тарих институты Милли археологик тикшеренүләр үзәге мөдире, Казан (Идел буе) федераль университетының археология һәм этнология кафедрасы мөдире, тарих фәннәре кандидаты, фән һәм техника өлкәсендә ТР Дәүләт премиясе лауреаты Айрат Ситдыйков, КФУ фәнни эшчәнлек буенча проректоры, кафедра мөдире Данис Нургалиев чыгыш ясады. 2012 нче елда Болгар шәһәрлегендә өйрәнелгән археологик объектларны консервацияләү һәм музейлаштыру соравы буенча ТР Мәдәният министры урынбасары Светлана Персова хисап тотты.

Бүген ТР Дәүләт Киңәшчесе, Тарихи һәм мәдәни һәйкәлләрне яңадан торгызу буенча республика фонды Попечительләр советы рәисе Минтимер Шәймиев Казан Кремлендә Свияжски уртау-шәһәрендәге Ат утары биналары комплексын файдалану мәсьәләсе буенча киңәшмә уздырды.