ЯҢАЛЫКЛАР

Бүген Казан шәһәре Башкарма комитетында «Аксенов-Фест 2009» әдәби-музыкаль фестивален уздыру буенча матбугат конференциясе үткәреләчәк. Башкарма комитет фестивальны 13-14 ноябрьгә планлаштырган иде. Мэриянең матбугат хезмәте хәбәр иткәнчә, фестиваль мәсьәләләре буенча

Бүген Калинградта ТР Дәүләт Советы Рәисе Фәрит Мөхәммәтшин РФ Президенты каршындагы җирле үзидарәне үстерү Советы Президиумы утырышында катнаша. Утырыш РФ Премьер-министры Владимир Путин рәислегендә уза, дип хәбәр итә ТР Дәүләт Советының матбугат хезмәте.

27 октябрьдә ТР Дәүләт Советының Бюджет, салымнар һәм финанслар комитеты чираттагы утырышын уздыра.

Татарстан Республикасы буенча Эчке эшләр министрлыгы җитәкчелеге "Россия - спорт державасы" Бөтенроссия форумы барышында күрсәткән ярдәме һәм аңлы мөнәсәбәте өчен Казан халкына рәхмәт белдерде.

Казанда Корбан бәйрәме комплексы булачак. Ул башкаланың Бертуган Петряевлар урамындагы 10280 квадрат метрлы җир участогын биләп тора. Әлеге җир участогы "Вакф" мөселман дини оешмасына бирелгән. Анда барлык мөселманнар өчен изге булган Корбан бәйрәмендә корбан чалу комплексы урнашачак.

Узган атнада Татарстан башкаласында булган мөһим вакыйгалардан 22-25 октябрь көннәрендә Казанда үткәрелгән "Россия - спорт державасы" I Бөтенроссия спорт форумын иң югары дәрәҗәдә оештырылып үткәрелүен һәм шул хакта Россия Федерациясе Президентыннан башлап илнең күп кенә югары даирә җитәкчеләр исеменнән рәхмәт сүзләре әйтелүен игълан итеп, бүген шәһәр җитәкчелегенең "дүшәмбе киңәшмәсе"ндә мэр Илсур Метшин киләчәктә дә шушы югары "планка"ны төшермичә эшләргә кирәклеген басым ясап әйтте. Чөнки безгә карата таләпләр тагын да зуррак булачак, уңышларга сокланып, тынычланыр вакыт түгел: 2013 елдагы Универсиадага кадәр эшлиселәр бик күп әле, диде ул.

Татарстан Республикасы буенча Эчке эшләр министрлыгы җитәкчелеге "Россия - спорт державасы" Бөтенроссия форумы барышында күрсәткән ярдәме һәм аңлы мөнәсәбәте өчен Казан халкына рәхмәт белдерде.

Казанда "Россия - спорт державасы" I Бөтенроссия спорт форумы нәтиҗәләре буенча узган пленар утырышта Татарстан Премьер-министры Рөстәм Миңнеханов форумда катнашучылар һәм кунакларга рәхмәт белдерде, форум кайчан булса да Казанга кайтыр дип өметләнүен билгеләп үтте.

23 октябрьдә Казан ратушасында РФ Президенты Дмитрий Медведев РФ Президенты каршындагы Физкультура һәм спортны үстерү, югары казанышлар спорты, 2014 елда Сочи шәһәрендәге XXII Кышкы Олимпия уеннарын һәм XI Кышкы Паралимпия уеннарын, XXVII Бөтендөнья җәйге Универсиадасын әзерләү һәм үткәрү Советы утырышын уздырды.
Совет утырышы алдыннан дәүләт башлыгының Татарстан Президенты Минтимер Шәймиев белән әңгәмәсе булды.

2013 елгы Универсиаданың спорт объектлары төзелеше мондый тизлектә барса, шәһәр спорт бәйрәмен үткәрүгә бер ел алдан 100 процентка әзер булачак. Бу хакта журналистларга "Россия -спорт державасы" бөтенроссия спорт форумында катнашу өчен Татарстан башкаласына килгән РФ Хисап палатасы рәисе Сергей Степашин белдерде.

Сергей Степашин Теннис академиясендә, "Зилант" спорт комплексында, Универсиада авылында һәм "Ак Барс" Көрәш сараенда булды. РФ Хисап палатасы рәисе соңгы объектта булганнан соң журналистлар белән аралашты.

Сергей Степашин әлегә эш документларын карарга өлгермәдем, әмма төзелеш эшләренең ничек тиз баруын үз күзләрем белән күрдем, дип билгеләп үтте.