ЯҢАЛЫКЛАР

Минтимер Шәймиев СССРның халык рәссамы, Бөек Ватан сугышында катнашкан Харис Якуповны 90 яшьлеге белән котлады.

Дмитрий Медведев СССРның халык рәссамы, Бөек Ватан сугышында катнашкан Харис Якуповны 90 яшьлеге белән котлады.

24 декабрьдә дүртенче чакырылыш ТР Дәүләт Советының җиденче утырышы үз эшен дәвам итәчәк.

Билгеле булганча, парламентның 3 декабрьдә узган җиденче утырышында каралмыйча бер мәсьәлә калган иде. ТР Дәүләт Советы Секретаре Лилия Маврина белдергәнчә, 24 декабрьдә дәвам итәчәк утырышның көн тәртибенә өстәмә рәвештә 42 мәсьәлә чыгарыла. Аларның 15е - ТР закон проектлары, 23е - федераль законнар проектлары, РФ субъектлары дәүләт хакимиятләре закон чыгару (вәкиллекле) органнары закон инициативалары һәм мөрәҗәгатьләре.

Бу минутларда Казан ратушасында Казан шәһәр Думасының 45 нче сессиясе уза.

Көн тәртибенә 11 мәсьәлә кертелгән, дип хәбәр итә шәһәр мэриясенең матбугат хезмәте. Аерым алганда, сессиядә 2009 елга һәм 2010-2011 елгы план чорына Казан бюджетына кертелгән үзгәрешләр һәм өстәмәләр, шәһәрдә төзелеш эшләре алып бару һәм җирдән файдалану кагыйдәләренең шәһәр төзелеше регламентлары зоналары картасына үзгәрешләр кертү, Казанның муниципаль торак булмаган фонд объектларын арендага бирү һәм башка мәсьәләләр хакында фикер алышыначак.

"Казан Кремле" музей-тыюлыгы Кремльнең архитектура ансамбле һәм аның фрагментлары сурәте төшерелгән тауар билгесе хуҗасы булды.

Шулай итеп, сувенир продукцияләрендә, азык-төлек продуктларында, басма продукцияләрдә Татарстан башкаласы символы һәм Сөембикә, Кол Шәриф мәчетләре кебек мәдәни казанышлар символларының теләсә нинди сурәте тауар билгесе хуҗасы рөхсәте нигезендә дә пәйда булырга генә мөмкин.

Казан Кремле РФ халыкларының мәдәни мирасының һәм Бөтендөнья мәдәни мирасының әһәмиятле объекты булып тора. Казан Кремле сурәтләрен хокукый яклау мөмкинлеге алу республиканың төп мәдәни мирасларының берсен куллану ысулларын һәм сыйфатын тәртипкә китерергә мөмкинлек бирә, дип хәбәр ителә музей-тыюлыкның пресс-релизында.

Г.Камал исемендәге Татар дәүләт академия театрында татар театрының туган көненә багышланган тантаналы кичә булды. 1906 елның 22 декабрендә Казанда татар телендә беренче спектакль уйнала. Бу дата Камал исемендәге театрның туган көне санала.

Тантана татар театр сәнгатенә зур өлеш керткән өчен Д.Сираҗиев исемендәге премияне тапшыру белән башланды. "Күренекле режиссер Дамир Сираҗиев исемендәге премия Камал театрында 1999 елдан бирле тапшырылып килә. Бу вакыт эчендә әлеге югары бүләккә 55 кеше лаек булды. Алар арасында режиссерлар, актерлар, журналистлар, меценатлар бар", - диде Фәрит Бикчәнтәев, бәйрәм кичәсен ачып.

22 декабрьдә ТР Дәүләт Советында Парламент дәресе - 2009га багышланган иҗади эшләрнең республика бәйгеләренә нәтиҗә ясалды. Бөтен республикадан, конкурсларда катнашу өчен, 250дән артык укучы үз иҗади эшләрен җибәргән. Аларның иң яхшылары Казанга чакырылды. Бүген Татарстан парламенты башлыгы Фәрит Мөхәммәтшин шәхсән котлады.

22 декабрь Татарстан милиционерларының тагын 70 гаиләсе яңа торак алды. ТР буенча Эчке эшләр министрлыгының Губкин урамында урнашкан ОМОН административ-көнкүреш комплексының торак өлешен тапшыру тантанасы булды.

Бу чарада Татарстан Республикасы Премьер-министры Рөстәм Миңнеханов, РФ Эчке эшләр министрлыгының Махсус бүлекчәләр эшчәнлеге белән җитәкчелек итү үзәге башлыгы, милиция генерал-лейтенанты Владимир Горшуков, Татарстан Республикасы эчке эшләр министры Әсгать Сәфәров, шулай ук шәхси состав, аларның гаиләләре һәм эчке эшләр бүлеге ветераннары катнашты.

22 декабрьдә Татарстан Президенты Минтимер Шәймиев "Татарстан Республикасында халыкны адреслы социаль яклау турында"гы Татарстан Республикасы Законының 8 маддәсенә үзгәрешләр кертү хакында"гы ТР Законын һәм "Татарстан Республикасында муниципаль берәмлекләрнең җирле үзидарә органнарына сәламәтлек саклау өлкәсендә Татарстан Республикасының аерым дәүләт вәкаләтләре бирү турында"гы Татарстан Республикасы Законына үзгәрешләр кертү хакында"гы ТР Законын имзалады.

22 декабрьдә ТР Президенты "Татарстан Республикасы Иҗтимагый палата әгъзаларын раслау турында"гы Указны имзалады.