ЯҢАЛЫКЛАР

26 ноябрьдә "турыдан-туры элемтә" барышында гражданнарның Россия Премьер-министры Владимир Путин белән турыдан-туры элемтәсен тәэмин итүче төшерү төркемнәренең берсе "КАМАЗ" ААҖ цехларында урнашачак. Кичә предприятиегә визиты барышында В.Путин заводта эшләүчеләргә әнә шулай дип вәгъдә итте.

Казанда Универсиада авылы янында иҗтимагый зонада Спорт медицинасы үзәге төзеләчәк. Бу хакта бүген ТР Яшьләр эшләре, спорт һәм туризм министрлыгында узган матбугат очрашуында хәбәр ителде.

18 ноябрьдә ТР сәнәгать һәм сәүдә министры урынбасары Олег Власов Польшаның Лодзь воеводасы делегациясе белән очрашты. Делегациягә Воевода бюросы директоры Марцин Шмая җитәкчелек итә. Очрашуда ике арадагы хезмәттәшлекне үстерүнең мөмкин булган юнәлешләре тикшерелде.

Казанда конкурентлыкка сәләтле суднолар төзелешенең заманча технологияләренә багышлап ачылган конференциядә ясаган чыгышында ТР Премьер-министрының беренче урынбасары Равил Моратов әнә шул мөһим моментларга игътибар юнәлтте. Ул, Бөтенроссия конференциясендә катнашучыларны республика җитәкчелеге исеменнән сәламләп, бүгенге шартларда илдә суднолар төзүдә беренчел бурычларга тукталды.

2013 елда Казанда узачак җәйге Универсиадада спортчылар 26 спорт төре буенча көч сынашачак. Халыкара студентлар спорты федерациясе (FISU) башкарма комитеты тарафыннан расланган спорт төрләре исемлегенә шул кадәр спорт төре кертелгән.

21 ноябрьдән 4 декабрьгә кадәр Казанда ТР Композиторлар берлеге оешуның 70 еллыгына багышланган төрле чаралар уздырылачак. "Татмедиа" ААҖ шул хакта игълан салып, тантаналы чараларның исемлеген тәкъдим итә.

Татарстанга стажировка узу өчен алман эшмәкәрләре төркеме килде. Икътисад министрлыгыннан алынган хәбәрләргә караганда, ТР Хөкүмәт йортында республика башкарма хакимият органнары вәкилләренең Германия менеджерлары белән очрашуы үткән.

17 ноябрьдә Россия Премьер-министры Владимир Путин Чаллыда йөк автомобильләре өчен дизель двигательләре җыю буенча яңа цехны ачты. "Камминз Кама" Россия-Америка уртак предприятиесендә РФ Хөкүмәте Рәисе двигательләр җыю цехында символик "кызыл кнопка"га басты.

17 ноябрьдә Казан дәүләт университетына 205 ел тула. Казан дәүләт университеты - Россиянең иң борынгы мәдәни, белем бирү һәм фәнни үзәкләреннән берсе. Аңа император Александр I указы нигезендә 1804 елның 17 ноябрендә нигез салына.

ТР Премьер-министры урынбасары - авыл хуҗалыгы һәм азык-төлек министры Марат Әхмәтов Ирландиянең Россия Федерациясендәге Гадәттән тыш һәм Тулы вәкаләтле илчесе Филипп МакДона белән очрашты.