ЯҢАЛЫКЛАР
8
июнь, 2009 ел
дүшәмбе
8 июнь көнне Казан Кремлендә Татарстан Президенты Минтимер Шәймиев Корея Республикасының Россиядәге Гадәттән тыш һәм Тулы вәкаләтле илчесе Ли Гю Хен белән очрашты.
8 июнь көнне А.Н.Туполев исемендәге Казан дәүләт техник университетының Социаль технологияләр институтында “Җәмәгатьчелек белән элемтә” белгечлеге буенча диплом эшләрен яклау башланып китте. Яклауда ТР Дәүләт Советы рәисе, студентларның квалификация эшләрен кабул итү буенча дәүләт аттестация комиссиясен җитәкләүче Фәрит Мөхәммәтшин, КДТУ ректоры Юрий Гортышев катнашты.
8 июнь көнне Казан Кремлендә Татарстан Президенты Минтимер Шәймиев Бөтенроссия эксперименталь физика фәнни–тикшеренү институтының Россия федераль атом–төш үзәге директоры Валентин Костюков белән очрашты. Очрашуда суперкомпьютер технологияләренең үсеш перспективалары хакында фикер алышынды.
8 июнь көнне ТР Премьер-министры Рөстәм Миңнеханов Корея Республикасының РФ дәге Гадәттән тыш һәм Тулы вәкаләтле илчесе Ли Гю Хен белән очрашты.
Корея Республикасының Россиядәге гадәттән тыш һәм тулы вәкаләтле илчесе Ли Гю Хен Татарстан Республикасына эшлекле сәфәре кысаларында ТР Президентының Тышкы элемтәләр департаменты директоры – ТР Президенты каршындагы дәүләт киңәшчесе Тимур Акулов озатуында «Алабуга» МИЗнда булды.
Ислам башкалалары һәм шәһәрләре оешмасы Административ советының XXVII утырышы быел 16-18 июнь көннәрендә, Россия Федерациясендә беренче тапкыр буларак, анда 1992 елдан бирле күзәтүче сыйфатында катнашкан Казанда уздырылачак. Әлеге халыкара чарада 300ләп кеше катнашыр дип көтелә.
ТР хезмәт, мәшгульлек һәм социаль яклау министры Айрат Шәфигуллин үз хезмәттәшләрен һөнәри бәйрәмнәре – Социаль хезмәткәрләр көне белән котлады.
6
июнь, 2009 ел
шимбә
Казанның бай мәдәни дөньясын тагын да баеткан, җанландырган төрки халыкларның IX “Нәүрүз” театр фестиваленә кичә ТР Эчке эшләр министрлыгының “Мирный” бистәсендәге укыту үзәгендә узган театр коллективлары сабантуе йомгак ясады. Фестивальнең ябылу тантанасында ТР Премьер-министры урынбасары — мәдәният министры Зилә Вәлиева, фестивальнең директоры Дюсен Касеинов катнашты.
5
июнь, 2009 ел
җомга
6 июнь көнне Чехия татарлары Сабантуйны бәйрәм итәчәк. Ул елдагыча күл буенда урнашкан Выжловка авылында уза.
5 июнь көнне ТР Дәүләт Советы рәисе Фәрит Мөхәммәтшин Казанга РФ муниципаль контроль-хисап органнары берлегенең сигезенче конференциясендә катнашу өчен килгән РФ Хисап палатасы рәисе, РФ контроль-хисап органнары Ассоциациясе рәисе Сергей Степашин белән очрашты.
Датасы буенча тикшерү
ЯҢАЛЫКЛАРГА ЯЗЫЛУ
Телефон:
+7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз