ЯҢАЛЫКЛАР

Мәскәү өлкәсенең Люберцы шәһәрендә узган "түгәрәк өстәл" утырышында муниципаль берәмлек хакимиятләренең Мәскәү өлкәсендәге милли-мәдәни иҗтимагый оешмалар белән үзара хезмәттәшлеге тәҗрибәсе хакында фикер алышынды.

Ирандагы Имам Хомәйн исемендәге Халыкара университетның халыкара хезмәте директоры Бахрам Навазени Казан дәүләт университетында булды. Билгеле булганча, КДУ белән Халыкара университет арасында фәнни һәм белем бирү өлкәсендә хезмәттәшлек итү турындагы килешүгә кул куелганга нәкъ бер ел була.

ТР экология һәм табигать ресурслары министры Әгъләм Садретдинов үзенең коллегаларын һөнәри бәйрәм - Эколог көне һәм Бөтендөнья әйләнә-тирә мохитне саклау көне белән котлый. Аларга мөрәҗәгать итеп, министр түбәндәге фикерләрен җиткерә.

16 июнь көнне М.Җәлил исемендәге Татар дәүләт опера һәм балет театрында Татарстанның халык, Россиянең һәм Башкортстанның атказанган артисты, Г.Тукай исемендәге дәүләт премиясе лауреаты Хәйдәр Бигичевның (1949-1998) тууына 60 ел тула. Бу көнне җырчы озак еллар эшләгән опера һәм балет театрда аның истәлегенә искә алу кичәсе оештырыла.

4 июньдә Татарстан Президенты Минтимер Шәймиев Санкт-Петербургта эш сәфәре белән булды. Смольный Сараенда Минтимер Шәймиев Санкт-Петербург губернаторы Валентина Матвиенко белән очрашты. Очрашу барышында Татарстан Республикасы һәм Санкт-Петербург арасында сәүдә-икътисади, фәнни-техник, социаль һәм мәдәни өлкәләрдә хезмәттәшлек турындагы килешүгә кул куелды.

4 июньдә республика Премьер-министрының беренче урынбасары Равил Моратов Кама Аланы бистәсендә булды.

4 июньдә Хезмәт сараенда ТР Премьер-министры Рөстәм Миңнеханов республиканың профсоюзлар активы белән очрашты. Ел саен уздырыла торган традицион очрашуның быелгысы катлаулы икътисади шартларда узганга, анда күтәрелгән мәсьәләләр эшсезлек,предприятиеләрнең бүгенге хәле, мәшгульлекне тәэмин итү, республикада кризис йогынтысын киметү буенча күрелә торган чаралар кебек актуаль темалар белән бәйле иде.

4 июньдә Татарстан Республикасы Дәүләт Советы рәисе Фәрит Мөхәммәтшин Россия Федерациясе Үзәк сайлау комиссиясе рәисе урынбасары Леонид Ивлев белән очрашты. Леонид Ивлев Казанга Россия Федерациясенең Идел буе федераль округына керүче сайлау комиссияләре җитәкчеләре киңәшмәсендә катнашу өчен килде.

Әстерханның "Дуслык" татар милли-мәдәни җәмгыяте 2007 елның маеннан алып быелның май аена кадәр башкарылган эшләренә хисап-сайлау утырышы уздырды. Ул җәмгыятьнең уставы нигезендә үткәрелде.

4 июнь ТР Дәүләт Советы Рәисе Фәрит Мөхәммәтшин ТЮРКСОЙ Халыкара оешмасы генераль директоры Дюсен Касеинов белән очрашты.