ЯҢАЛЫКЛАР

16 гыйнварда Казан Кремлендә Татарстан Президенты Минтимер Шәймиев Россия Фәннәр академиясе һәм Татарстан Фәннәр академиясе академигы, Мериленд университетының физика профессоры Роальд Сәгьдиевкә "Татарстан Республикасының атказанган фән эшлеклесе" исемен бирү турындагы документны тапшырды.

Казан Кремлендә ТР Иминлек Советының Татарстан Президенты Минтимер Шәймиев үткәргән утырышында 2003-2007 елларга мәгълүматлаштыру һәм элемтә өлкәсендә Татарстанның дәүләт сәясәте нигезләре тикшерелде.

17 гыйнварда Чүпрәле районының Иске Кәкерле авылында 300 урынлы мәһабәт мәдәният сарае, Иске Чүпрәле авылында 148 укучыга исәпләнгән урта мәктәп бинасы файдалануга тапшырылды, һәр ике объектны ачуда Татарстан Республикасы Президенты М.Ш.Шәймиев катнашты.

13 гыйнварда Казан Кремлендә Татарстан Президенты М.Ш.Шәймиев Балтачның шушы уңышларга аеруча зур өлеш керткән терлекчелек алдынгылары, хуҗалык җитәкчеләре, хезмәт ветераннары, җирле үзидарә советлары рәисләре белән очрашты.

Олуг юбилее уңаеннан күренекле татар шагыйрәсе Гөлшат апа Зәйнәшевага Татарстан Президенты М.Шаймиев исеменнән котлау адресы тапшырылды.
Тәбрикләүдә Президент Гөлшат апаны ихлас күңелдән котлый, иҗатыгызга карап сокланабыз ди. Татар милли мәдәниятен саклауга һәм үстерүгә бәяләп бетергесез өлеш керткән өчен олы рәхмәтен җиткерә һәм чын йөрәктән исәнлек-саулык, күңел көрлеге, илһам һәм яңа иҗади казанышлар теләп кала.

Фоат Мансуровны котлау 10 гыйнварда Мәскәүдә Татарстан Республикасы Президенты Минтимер Шәймиев Россия, Казахстан һәм Татарстанның халык артисты, Габдулла Тукай исемендәге Дәүләт премиясе лауреаты, профессор Фоат Мансуровны 75 яшь тулу уңаеннан котлады.

9 гыйнварда Татарстан Республикасы Президенты Минтимер Шәймиев Төркия Республикасы Президенты Әхмәт Нәдҗет Сезерга 8 еннән 9 гыйнварга каршы төндә Диярбакыр шәһәре тирәсендә Төркия самолетының һәлакәткә юлыгуы уңаеннан кайгы уртаклашу телеграммасы җибәрде.

Зәмһәрир суыкларга карамастан, хәзер Галиәсгар Камал исемендәге Татар дәүләт академия театры чын мәгънәсендә тамашачылар ыгы-зыгысы кичерә. 5 гыйнварда тамашачылар инде яратып өлгергән "Килә ява, килә ява" спектакленең дәвамы - Зөлфәт Хәкимнең "Ява карлар, ява карлар" дигән комедиясенең премьерасы булды.
Премьераның беренче тамашачылары арасында Татарстан Президенты Минтимер Шәймиев хатыны белән, ТР Премьер-министры урынбасары Зилә Вәлиева булды.

5 гыйнварда Казан Кремлендә Татарстан Президенты Минтимер Шәймиев 7 гыйнварда бәйрәм ителәчәк Раштуа көне уңаеннан Казан һәм Татарстан архиепискобы Анастасий җитәкчелегендә Рус Православие чиркәвенең Казан епархиясе вәкилләрен кабул итте.

Татарстан Республикасы Президенты Минтимер Шәймиев 2002 елның 26-29 декабрендә Татарстан башкаласында фигуралы шуу буенча Россия чемпионатының уңышлы үтүе җәһәтеннән Россиянең Тимераякта фигуралы шуу федерациясе президенты Вячеслав Писеевтан хат алды.