ЯҢАЛЫКЛАР

4 мартта Татарстан Президенты Минтимер Шәймиев Мордовия Республикасы Дәүләт Җыенының тантаналы утырышында катнашты. Әлеге утырыш Николай Меркушкинның республика җитәкчесе вазифасына керешүенә - ул бу вазифага 16 февральдә сайланды - багышлап үткәрелде.

Татарстанда эшләнгән барлык эшләр - Россиядә булган иң заманча телепроектларны үстерү өчен ныклы нигез ул. Татарстан Президенты Минтимер Шаймиевнең "Россия телевидение һәм радиотапшырулар челтәре" федераль дәү-ләт унитар предприятиесе генераль директоры Геннадий Скляр белән 28 февральдә Казан Кремлендә булган очрашуында менә шундый нәтиҗә ясалды.

25 февраль көнне Татарстан Республикасы Статистика дәүләт комитетының киңәйтелгән коллегия утырышы булды. Анда ТР Президенты Минтимер Шаймиев катнашты. Утырышта беренче сүзне ТР Статистика дәүләт комитеты рәисе Валерий Кандилов алды. Ул үзе җитәкләгән комитетның 2002 елдагы эш нәтиҗәләрен бәян итте.

25 февральдә Татарстан Президенты М.Ш.Шаймиев М.Җәлил исемендәге Татар дәүләт опера һәм балет академия театрында шушы театр бинасын яңарту һәм аңа реконструкция ясау мәсьәләләре буенча эш киңәшмәсе үткәрде.

6 февральдә Татарстан Республикасы Президенты М.Ш.Шәймиев Кремльдә Кытай татарлары вәкилләрен - Кытайда рус теле укытучысы Ильяр Рафик улы Габитов һәм Казахстанда эшмәкәрлек белән шөгыльләнүче Турсунтай Салих улы Габитовны кабул итте.

Татарстан һинд чәен төрү производствосын һәм сатуны оештыру белән кызыксына, диде ТР Президенты Минтимер Шәймиев 6 февральдә Казан Кремлендә узган "Сараф трейдинг корпорейшн лимитэд" компаниясе президенты Аравинд Сараф белән очрашу вакытында.

20 гыйнварда Россия Федерациясе Президенты Владимир Путин Татарстан Республикасы Президенты Минтимер Шаймиевкә шалтыратып, аны туган көне белән котлады.

Татарстан Республикасы Президенты Минтимер Шәймиев «Телефоника-Дакар 2003» раллиенда җиңү белән котлап, «КамАЗ-мастер» командасы җитәкчесе Семен Якуповка һәм команда спортчыларына котлау телеграммасы җибәрде.

18 гыйнвар иртәсендә Татарстан Республикасы Президенты Минтимер Шәймиев Кремльдәге резиденциясендә халык шагыйре Илдар Юзеевны кабул итте.
20 гынйнварда Г.Камал исемендәге татар театры бинасында халык шагыйре Илдар Юзеев иҗатына багышланган әдәби-музыкаль кичә булды.

18 гыйнвар көнне Татарстан Республикасы Президенты тормыш иптәше белән Швецариягә кыска вакытлы ялга китте.