ЯҢАЛЫКЛАР

Әлмәттә халык депутатларының берләштерелгән Советының XXI сессиясе булды. Анда ТР Президенты Минтимер Шәймиев катнашты. Сессиядә Әлмәт шәһәре һәм районы хакимиятенең 2002 елдагы эш нәтиҗәләре һәм 2003 елда халыкның тормыш дәрәҗәсен күтәрү мәсьәләләре турында шәһәр һәм район хакимияте башлыгы Ришат Әбүба-киров чыгыш ясады.

20 март кешелек тарихына Гыйракта икенче сугыш башлану көне буларак кына түгел, ә бәлки Россия Президенты Владимир Путин әйткәнчә, халыкара иминлек системасының җимерелә башлавы көне буларак та кереп калырга мөмкин. Татарстан Президенты Минтимер Шәймиев бу уңайдан болай диде:

Узган елның көзендә якташыбыз Вадим Токарев, IBF версиясе буенча континентара чемпион исемен дәгъва итеп, рингта Сербиядән килгән Горан Дирич белән очрашты. Икенче раундның башында көндәшен нокаутка җибәреп, Вадим үзенә генә түгел, барлык татарстанлыларга да чиксез зур куаныч китерде.

17 мартта Татарстанга өч көнлек визит белән Болгария Республикасының Россия Федерациясендәге Гадәттән тыш һәм Вәкаләтле илчесе Илиян Василев җитәкчелегендәге Болгария делегациясе килде. 18 мартта ТР Министрлар Кабинетында Болгария илчесен Татарстан Премьер-министры Рөстәм Миңнеханов кабул итте.

15 мартта Казанда "Бердәм Россия" партиясе Татарстан төбәк оешмасының икенче чираттан тыш конференциясе узды. Чираттан тыш конференция үткәрү 29 мартта Мәскәүдә узачак икенче партия съездына әзерлек белән аңлатыла.

Татарстан Президенты Минтимер Шәймиев РФ Икътисадый үсеш һәм сәүдә министрлыгының йомгаклау коллегиясе утырышында ясаган чыгышында Россия Федерациясенең барлык субъектларының икътисад министрлары катнашында Икътисадый совет оештыруны тәкъдим итте.

Татарстан соңгы вакытта Россия Конституциясе нигезләмәләрен яклау белән кемгә караганда да күбрәк шөгыльләнә, диде Татарстан Президенты Минтимер Шәймиев 13 мартта РФ Федераль Җыелышы Федерация Советының Федерация эшләре һәм төбәк сәясәте комитеты әгъзалары белән очрашуда.

"ВАТАНЫМ ТАТАРСТАН" газетасының 85 еллыгы уңаеннан редакция коллективына һәм аның укучыларына котлау

Билгеле булганча, Татарстан авыл хуҗалыгы эшчәннөре 2002 елда игенчелек һәм терлекчелек тармакларында югары хезмәт нәтиҗәләренә ирештеләр. 2003 елда агропромышпенность комплексын алга таба да үстерү буенча Татарстан Президенты М.Шәймиевнең Дәүләт Советына Юлламасында баян ителгән бурычларны тормышка ашыру өчен тагын да тырышыбрак эшләргә туры киләчәк. Чөнки ике ел рәттән рекордлы уңыш җыеп алуга, ел саен терлекчелек продукциясен җитештерүнең арта баруына карамастан, авыл хуҗалыгы предприятиеләренең финанс-икьтисадый хәле яхшырмады.

4 мартта Татарстан Президенты Минтимер Шәймиев Мордовия Республикасы Дәүләт Җыенының тантаналы утырышында катнашты. Әлеге утырыш Николай Меркушкинның республика җитәкчесе вазифасына керешүенә - ул бу вазифага 16 февральдә сайланды - багышлап үткәрелде.