ЯҢАЛЫКЛАР

4 гыйнварда Татарстан Республикасы Президенты М.Ш.Шәймиев Мәскәү һәм Бөтен Русь Патриархы Алексий Икенчегә Раштуа бәйрәме уңаеннан котлау җибәрде.

24 декабрьдә Казан Кремлендә иң яхшы аспирантлар, югары һәм урта махсус уку йортлары студентлары 2001-2002 уку елы йомгаклары буенча махсус дәүләт стипендияләре белән бүләкләнде.

Татарстан Президенты Минтимер Шәймиев һәм Россиянең беренче Президенты Борис Ельцин Казанның Бауман урамында җәяү йөргәндә, журналистларның сорауларына җавап биреп, иң яңа тарихта шәхеснең роле турында фикерләрен белдерделәр.

11 декабрьдә Түбән Камада нефть эшкәртү заводының база комплексын эшләтеп җибәрүгә багышланган тантана булды. Анда Татарстан Президенты Минтимер Шаймиев, Премьер-министр Рөстәм Миңнеханов, Премьер-министр урынбасары - юл төзелеше һәм транспорт министры Владимир Швецов, архитектура, төзелеш һәм торак-коммуналь хуҗалыгы министры Марат Хөснуллин, "Татнефть" ААҖ генераль директоры Шәфәгат Тәхаутдинов, Түбән Кама шәһәре һәм районы администрациясе башлыгы Илсур Метшин, Түбән Кама "Нефтехим" ААҖ генераль директоры Владимир Бусыгин һәм башкалар катнашты.

Кичә Татарстан Республикасы Президенты Минтимер Шаймиев Мәскәүдә "Бердәм Россия" партиясенең Югары Советы бюросы утырышында катнашты.
Утырышта партиянең программ принципларын әзерләүнең барышы һәм Югары Совет бюросының партиянең төбәк оешмалары җитәкчеләре белән үзара хезмәттәшлеген көчәйтү зарурлыгына бәйле мәсьәләләр тикшерелде.

10 декабрьдә Казан Кремлендә Татарстан Президенты Минтимер Шәймиев Украинаның "Шахтер" футбол клубы президенты Ринат Әхмәтовны кабул итте.

Татарстан Республикасы Президенты Минтимер Шаймиев Муса Җәлил исемендәге Казан дәүләт опера һәм балет академия театры солисты, Казан дәүләт консерваториясен тәмамлаган яшь артист Михаил Казаковның чираттагы уңышка ирешүе уңаеннан СССРның халык артисты Ирина Архиповадан һәм СССРның халык артисты Владислав Пьявкодан котлау телеграммасы алды.

Татарстан Президенты Минтимер Шәймиев Татьяна Джугашвилидан хат алды. Анда әлеге ханым әтисе - Василий Иосифович Джугашвилиның (Сталинның) җәсәден Казаннан Мәскёүгә күчереп күмүдә күрсәтелгән ярдәм өчен рәхмәт белдерә.

Казан Кремле Татарстан башкаласының 1000 еллыгын бәйрәм итүгә кадәр тулысымча төзекләндерелергө, яңартылырга һәм күркәмләндерелергә тиеш. Әмма моның өчен әле байтак эшлисе бар. 6 декабрьдә Татарстан Президенты М.Шәймиев үткәргән эшлекле киңәшмә нәкъ менә шул проблемага - Казан Кремлен реконструкцияләүгә багышланды.

7 декабрьдә Татарстан Президенты Минтимер Шаймиев Казанның элеккеге "Терминал" заводы территориясендә урнашкан Идел буе кризиска каршы институтның Сервейинг үзәгендә булды. Үзәккә республика җитәкчесе белән бергә Татарстан Премьер-министры Рөстәм Миңнеханов та килде.