ЯҢАЛЫКЛАР
23 сентябрьдә дүртенче чакырылыш ТР Дәүләт Советының уникенче утырышы узды. Үткән утырышта Татарстанның әүләт Киңәшчесе Минтимер Шәймиев катнашты.
2010 елның 8 сентябрендә Татарстан Республикасы Дәүләт Киңәшчесе Минтимер Шәймиев Төркия Президенты Абдуллаһ Гөл белән телефоннан сөйләште. Төркия Республикасы башлыгы М.Ш. Шәймиевне Бодрумга ял итәргә килүе уңаеннан сәламләде, ял шартлары белән белән кызыксынды һәм иминлек теләде.
Мәскәүдә Россия Президенты Дмитрий Медведев рәислегендә Дәүләт Советының һөнәри белем бирүне үстерү мәсьәләләренә багышланган утырышы узды. РФ икътисадын модернизацияләү һәм технологик яктан үстерү комиссиясе белән берлектә үткән утырышта Татарстанның Дәүләт Киңәшчесе Минтимер Шәймиев катнашты.
30 августта – шәһәр һәм Татарстан Республикасы көнендә ТР Президенты Рөстәм Миңнеханов бөек татар шагыйре Габдулла Тукай исемендәге дәүләт премияләрен тапшырды. Тантанада шулай ук ТР Дәүләт Киңәшчесе Минтимер Шәймиев, ТР Дәүләт Советы Рәисе Фәрит Мөхәммәтшин, ТР Премьер-министры урынбасары – Мәдәният министры Зилә Вәлиева, Казан мэры Илсур Метшин, алдагы елларда дәүләт премиясенә лаек булучылар катнашты.
30 август көнне Татарстан Президенты Рөстәм Миңнеханов Татар дәүләт гуманитар-педагогика университеты сәнгати белем бирү факультетының шушы көннәрдә ачылган дүрт катлы яңа бинасында (Межлаук урамы, 3/45) булды. Республика башлыгын ТР Дәүләт Киңәшчесе Минтимер Шәймиев, республика Дәүләт Советы Рәисе Фәрит Мөхәммәтшин, ТР вице-премьеры – мәдәният министры Зилә Вәлиева, ТР мәгариф һәм фән министры Альберт Гыйльметдинов, Казан мэры Илсур Метшин, Казан (Идел буе) федераль университеты ректоры Илшат Гафуров һәм башка рәсми затлар озатып йөрде.
28 августта Казан Кремлендә ТР Дәүләт киңәшчесе Минтимер Шәймиев һәм ТР Премьер-министры Илдар Халиков катнашында Свияжск утрау-шәһәрчегендә Ат сарае биналары комплексын торгызу буенча киңәшмә узды, дип хәбәр итә ТР Президенты матбугат хезмәте.
27 августта Казанга “Бөек Болгарга сәяхәт” XVIII республикара программасы кысаларында «В.Зайцев» теплоходында Башкортстаннан ватандашлар делегациясе килде. Бүген алар белән ТР Дәүләт киңәшчесе Минтимер Шәймиев очрашты.
20 августта Түбән Камада республика мәгариф хезмәткәрләре август киңәшмәсенең пленар утырышы узды. Аның эшендә ТР Дәүләт Киңәшчесе Минтимер Шәймиев катнашты.
16 августта Свияжск утрау-шәһәренең беренче йортына газ бирү тантанасы булды. Чарада Татарстан Республикасы Дәүләт Киңәшчесе Минтимер Шәймиев катнашты.
4 августта ТР Дәүләт киңәшчесе Минтимер Шәймиев Болгар тарихи-архитектур музей-тыюлыгында һәм аның аның яны территорияләрендә төзеләчәк дистәләп объектның урынын карап, анда җәелдерелгән эш барышы белән танышып йөрде.