ЯҢАЛЫКЛАР

“Татарстан Хөкүмәте балыкчылык буенча Федераль агентлыкка республикада балыкн үрчетү буенча йөзмә завод ачу тәкъдиме белән чыкты. Әлеге проектны без карадык. Татарстан алга карап фикер йөртә. Шундый омтылыш булганда, күп нәрсәгә ирешеп була. Әйтик, эчке сулыкларда чөгә балыгын күпләп үрчетергә мөмкин”, - дип белдерде 14 июль көнне Казанда узган “Россия Федерациясенең эчке сулыкларында балыкчылыкны үстерү мәсьәләләре” гомумроссия ведомствоара киңәшмәсендә балыкчылык буенча Федераль агентлык башлыгы Андрей Крайний.

Агымдагы елның 20 маенда ТР Президентының “2010-2015 елларга Татарстанда мәгариф системасын үстерү комплекслы дәүләт программасын эшләү һәм гамәлгә ашыру буенча комиссия турында”гы боерыгы дөнья күрде. Комиссиягә Президент Минтимер Шәймиев рәислек итә. 14 июль көнне Кремльдә Президент рәислегендә әлеге комиссиянең беренче утырышы узды. Аның эшендә рәис урынбасарлары - ТР Дәүләт Советы рәисе Фәрит Мөхәммәтшин һәм Премьер-министрның беренче урынбасары Равил Моратов, РФ мәгариф һәм фән министры урынбасары Исаак Калина, Россия мәгариф академиясе академигы, Мәскәү шәһәре Хөкүмәтенең Ачык мәгариф институты ректоры Алексей Семенов, комиссиянең башка әгъзалары катнашты.

14 июль көнне Казанда “Россия Федерациясе эчке сулыкларында балык тоту комплексын үстерү мәсьәләләре” темасына гомумроссия ведомствоара киңәшмәсе үтте. Аның эшендә балык тоту буенча Федераль агентлык башлыгы Андрей Крайний, ТР Премьер-министры Рөстәм Миңнеханов, ТР Премьер-министрының беренче урынбасары Равил Моратов, Татарстан Республикасы буенча Баш федераль инспекторның Аппараты җитәкчесе Динар Арсланов, төрле ведомстволар җитәкчеләре дә катнаштылар.

13 июль көнне Лаеш муниципаль районында “Авыл хуҗалыгы производствосының нәтиҗәлелеген арттыру, агросәнәгать комплексының кадрлар һәм фәнни–техник потенциалын терлек азыгы әзерләүне оештыруга һәм игеннәрне уңышлы төстә җыеп алуга туплау максатыннан кризиска каршы чараларны гамәлгә ашыру турында” дигән темага Республика семинар–киңәшмәсе узды. Киңәшмәдә Татарстан Республикасы Президенты Минтимер Шәймиев катнашты.

13 июль көнне Казанга балыкчылык буенча Федераль агентлык җитәкчесе Андрей Крайний килә.

“Универсиадада шундый зур уңышка ирешербез дип уйламаган идек – аеруча ярышларның яртысы тәмамланганнан соң”, – дип белдерде Белградтагы Универсиадада Россия делегациясе җитәкчесе, Россия студентлар спорт берлеге президенты, Халыкара студентлар спорты федерациясе башкарма комитеты әгъзасы Олег Матыцин, Белградта узган Универсиада нәтиҗәләрен шәрехләп.

11 июльдә Мамадыш районының Җөри авылында киң колач белән узган Питрау керәшен мәдәнияте бәйрәменә Татарстаннан һәм Россиянең башка төбәкләреннән 50 меңнән артык кунак җыелды. Бәйрәмгә килүчеләрне республика җитәкчелеге исеменнән ТР Дәүләт Советы Рәисе, ТР Халыклары ассамблеясы Советы рәисе Фәрит Мөхәммәтшин котлады.

11 июль көнне Татарстан вәкиле Белградта узучы Универсиадада беренче алтын медальгә лаек булды. Казан теннисчысы Ксения Лыкина Бөтендөнья студентлар уеннарының теннис турнирында хатын–кызлар разрядында җиңү яулады.

10 июль көнне Римда узган “Алтын лига” җиңел атлетика этабында Татарстан спортчылары уңышлы чыгыш ясады. Каршылыклар аша 3000 метрга йөгерүдә республикабыз спортчылары мактау пьедесталының беренче һәм икенче баскычларында урнашты.