ЯҢАЛЫКЛАР

27 июльда “Казан” халыкара аэропортында Татарстан башкаласына ике көнлек визит белән килгән РФ транспорт министры утырган самолет төшеп утырды. Кунакны Татарстан Президенты Минтимер Шәймиев, ТР Премьер-министры Рөстәм Миңнеханов, ТР Премьер-министры урынбасары – транспорт һәм юл хуҗалыгы министры Владимир Швецов һәм башка рәсми затлар каршы алды.

27 июль иртәнге сәгать 8дә Татарстан башкаласына РФ эчке эшләр министры Рәшит Нургалиев килде. “Казан” халыкара аэропортында кунакны Татарстан Президенты Минтимер Шәймиев, республиканың Премьер-министры Рөстәм Миңнеханов, ТР эчке эшләр министры Әсгать Сәфәров, Премьер-министр урынбасары – ТР транспорт һәм юл хуҗалыгы министры Владимир Швецов каршы алды.

26 июльда Татарстан Президенты Минтимер Шәймиев Казан Кремлендә Татарстан Республикасының халык рәссамы Рәшит Имашевны кабул итте. Танылган монументалист, китап, газета-журнал графикасы остасы, татар мәдәнияте казанышларының актив пропагандачысы Р.Имашев әңгәмә барышында үзенең кайбер картиналарын хәзерге вакытта Казан Кремлендә оешып килгән Сәнгать галереясына тапшыру нияте турында әйтте.

25 июльда Казан Кремлендә ТР Президенты Минтимер Шәймиев Бөек Ватан сугышы ветераны, өч Ленин ордены иясе, Социалистик хезмәт герое Нәҗип Зыятдиновка Татарстан Республикасы алдындагы хезмәтләре өчен” орденын тапшырды. Бу бүләккә ул яшьләрне патриотик һәм әхлакый тәрбияләүгә зур өлеш керткәне өчен лаек булган.

21 июль Казан Кремлендә Татарстан Президенты Минтимер Шәймиев һәм Мәскәү һәм Бөтен Русия Патриархы Алексий II катнашында Благовещение кафедраль соборын ачу һәм башкалага Казан Изге ана иконасын тапшыруга багышланган матбугат конференциясе узды.

15 июльда РФ һәм ТР Дәүләт бүләкләрен тапшыру тантанасында Татарстан Президенты Минтимер Шәймиев Татар дәүләт гуманитар-педагогия университетын төзүгә кагылышлы сорауларга җавап бирде.

15 июльда Татарстан Президенты Минтимер Шәймиев Казан Кремлендә РФ һәм ТР Дәүләт бүләкләре тапшырды. Тантанада 50гә якын мәдәният, фән, мәгариф, сәламәтлек саклау, социаль өлкә һәм сәнәгать хезмәткәре катнашты.

13 июльда Татарстан Президенты Минтимер Шәймиев Казан Кремлендә Россиянең танылган актрисасы Чулпан Хаматова (Казанда туган) белән очрашты. Актриса үзенең иҗади карьерасын Казан театр училищесында башлаган, аннары Мәскәүдә Россия театр сәнгате академиясенә кергән.

“Шәһәр һәм авыл балаларын тәрбияләү шартларында аерма булырга тиеш түгел”, - дип игълан итте бүген ТР Президенты Минтимер Шәймиев республиканың Актаныш районы Яңа Әлем авылы халкын мәдәни-спорт үзәгенең реконструкциядән соң ачылуы белән котлап.

11 июльдә Татарстан Республикасы Президенты Минтимер Шәймиев Актаныш районына килде.
Дүшәмбе көнне М.Шәймиев Әнәк авылында Нур Баян һәйкәленә чәчәкләр салды һәм музей комплексы белән танышты. Пучы авылында Президент мәктәпкә, мәдәният йортына һәм балалар иҗат йортына керде, авыл хуҗалыгы кырларын карады.
12 июльдә Президент Актаныш авылының яңа төзелгән объектларын – Җиңү паркын, музейны, автовокзалны карарга ниятли, аннан соң М.Шәймиев Яңа Әлем авылында яңартып корылган мәдәният йортын тантаналы ачуда катнашачак, авыл хуҗалыгы җитәкчеләре белән очрашачак.
Көндез Президент ясалма бозлы Спорт сараена беренче таш салу тантанасында катнашачак һәм район халкы белән очрашачак.