ЯҢАЛЫКЛАР

Татарстан Президенты Минтимер Шәймиев "Пирамида" мәдәни-күңел ачу үзәгендә Россиянең һәм Татарстанның халык артисты, Г.Тукай исемендәге Татарстан Дәүләт премиясе лауреаты Зилә Сөнгатуллинага Дуслык орденын тапшырды.

Татарстан Премьер-министры Рөстәм Миңнеханов Дәүләт теркәве, кадастр һәм картография федераль хезмәтенең яңа оештырылган Татарстан Республикасы буенча идарәсенең эшен уңай бәяләде. Бу хакта бүген ТР Хөкүмәте җитәкчесе берләштерелгән ведомствоның йомгаклау коллегиясендә белдерде.

Росреестрның Татарстан Республикасы буенча идарәсе бу елның 20 ноябрендә Күчемсез милек объектлары кадастры федераль агентлыгының Татарстан Республикасы буенча Идарәсе белән Теркәү федераль хезмәтенең Татарстан Республикасы идарәсен берләштерү юлы белән оештырылды.

Яңа идарәнең функцияләре күптөрле: күчемсез милеккә хокукларны дәүләт теркәве һәм килешү төзү, күчемсез милекнең дәүләт кадастрына кертү, кадастр эшчәнлеге, җирләрне дәүләт кадастры бәяләве, җирләрнең дәүләт мониторингы, шулай ук җир дәүләт контроле өлкәсендә дәүләт хезмәтләре күрсәтү һ.б.

19 декабрьдә Казанның 7 нче гимназиясендә беренче ачык "Лидерлык дәресе" узды. "Лидерлык нигезләре" мәгариф программасында катнашучы укучыларга кунакка Россия мәгариф һәм фән министрының урынбасары Исаак Калина, "Лидерлык дәресе" ТРдагы идеологы, Татарстан мәгариф һәм фән министры Альберт Гыйльметдинов һәм республика сәламәтлек саклау министры Айрат Фәррахов килде.

26 декабрьдә татар шагыйре Габдулла Тукайның туган ягында, Арча районының Яңа Кырлай авылында беренче тапкыр Кыш бабай һәм Кар кызы резиденциясе ачыла.

Казан турфирмаларының берсе балаларга күп әкиятләр бүләк иткән Г.Тукайның туган ягын Әкият проектын гамәлгә ашыру өчен иң яхшы урын дип карар иткән.

18 декабрьдә ТР Президенты Минтимер Шәймиев "Татарстан Республикасы Иҗтимагый палатасы турында"гы Татарстан Республикасы Законына үзгәрешләр кертү турында"гы Законга кул куйды. Яңа закон нигезендә ТР Иҗтимагый палата вәкаләтләр срогына, Иҗтимагый палатаның яңа әгъзаларын билгеләү тәртибенә, республиканың норматив актларын эшләү һәм башка мәсьәләләргә ачыклык кертә.

Татарстанда Татарстан Республикасы Профсоюзлар Федерациясе, Татарстан Республикасы Эш бирүчеләр берләшмәсе координация советы һәм Татарстан Республика Министрлар Кабинеты арасында 2010 елга килүшегә кул куелды Бүген Татарстан Республикасы Хөкүмәт Йортында 2010 елга Татарстан Республикасы Профсоюзлар Федерациясе, Татарстан Республикасы Эш бирүчеләр берләшмәсе координация советы, Татарстан Республикасы Министрлар Кабинеты арасында республика килешүенә кул куелды. Документ социаль-икътисади сәясәт үткәрүне һәм социаль партнерлык үсешен күздә тота. Килешү текстынна Татарстан Республикасы Премьер-министры Рөстәм Миңнеханов, Татарстан Республикасы Профсоюзлар Федерациясе рәисе Татьяна Водопьянова, Татарстан Республикасы Предприятиеләр һәм эшмәкәрләр ассоциациясе президенты Александр Лаврентьев кул куйдылар.

18 декабрь "УНИКС"та Татарстан Республикасы вузлары һәм ссузлары студентлары өчен "Мин сәламәт яшәү рәвеше яклы" акциясе уза.

Чараны ТР Сәламәтлек саклау министрлыгының медицина профилактикасы үзәге оештыра.

Чара кысаларында рәсемнәр һәм картиналар күргәзмәсе, авыруларны кисәтү мәсьәләләре буенча белгечләр консультациясе, фармацевтика компанияләрен тәкъдим итү булачак. Шулай ук концерт программасы да булачак, дип хәбәр итә КДУның матбугат хезмәте.

17 декабрь көнне Татарстан Республикасы Президенты Минтимер Шәймиев "2010 елга ТР Мәҗбүри медицина иминияте фонды бюджеты турында"гы законга кул куйды.

Казанның "УНИКС" концертлар залында яшь җырчы Филүс Каһиров концерты белән Рәшит Ваһапов исемендәге V Халыкара татар җыры фестивале йомгакланды. Фестивальнең быелгысы 11 апрель көнне Казанда Филүс Каһиров концерты белән башланып киткән иде. Шуннаң соң бүгенгәчә әлеге фестиваль кысаларында илебезнең төрле почмакларында - Мәскәү, Оренбург, Түбән Новгород, Пермь, Башкортстан якларында, һәм әлбәттә инде, Татарстан районнарында егерме өч концерт узды. Шуларның егерме бере Филүс концертлары, дип хәбәр итә фестивальнең матбугат үзәге.

- Чыннан да, Филүс Каһиров дигәч, Ваһапов фестивале - Ваһапов фестивале дигәч, Филүс Каһиров күз алдына килә. Филүс белән фестиваль хәзер инде икесе бербөтен булып бара бугай, - диде фестивальнең генераль директоры, "Идел" журналының баш мөхәррире Рифат Фәттахов. - Һәм бу - бик табигый. Чөнки фестивальнең яшь башкаручылар конкурсында Гран-при яулап Филүс Каһиров зур сәхнәгә тизрәк күтәрелде, нәкъ менә Ваһапов фестивале ярдәмендә тамашачы тизрәк күреп алды, тизрәк ишетте бу моңлы егетебезне.

Татарстанда Лубьян урман хуҗалыгы техникумында урманчылар өчен бөтенроссия спорт олимпиадаларының берсе үткәрелергә мөмкин. Бу хакта ТР Министрлар Кабинетында республика урман хуҗалыгы җитәкчеләрен бүләкләү тантанасында Россия урман хуҗалыгы агентлыгы җитәкчесе Алексей Савинов белдерде.