ЯҢАЛЫКЛАР

Россия реставрацияләүчеләрнең уңышлары белән хаклы рәвештә горурланырга була. 2012 елда илдә нибары 7 зур объект реставрацияләнгән булса, 2013 һәм 2014 елларда трихи-мәдәни мирасның 70әр корылмасы торгызылган. Быел исә федераль бюджет хисабына 117 объектны реставрацияләү күздә тотыла.

Бу хакта бүген Казанда “Корстон” комплексында II Халыкара реставрацияләүчеләр корылтаен ачу тантанасында РФ мәдәният министры Владимир Мединский хәбәр итте.

Татарстан Республикасы Дәүләт Киңәшчесе Минтимер Шәймиев бүген газ тармагында 48 ел эшләгән, газ сәнәгатенең атказанган хезмәт ветераны Борис Сергеевич Посягинга республика дәүләт бүләге - "Фидакарь хезмәте өчен" медален тапшырды.

Бүген Татарстан Республикасы Дәүләт Киңәшчесе Минтимер Шәймиев, үзенең хатыны Сәкинә ханым белән бергә, ТР Президентын һәм муниципаль берәмлекләрнең вәкиллекле органнары депутатларын сайлауда катнаштылар. Алар иртәнге сәгать 10да КИТТУ-КХТИның төп бинасындагы 55нче сайлау участогына килделәр (К. Маркс ур., 68).

Бүген Болгар тарихи-археологик комплексында "Бөек Болгар" Бөтенроссия тарих фестивале ачылыш тантанасы узды, Россиянең 30 төбәгеннән, Белоруссия, Украина һәм Израильдән йөзләгән тарихи реконструкцияләрне яратучылар җыелды. Россия туроператорлары фестивальгә Ярославль, Рыбинск, Тутаево, Кострома, Иваново, Курск, Түбән Новгород, Самара, Тольятти һәм илнең башка шәһәрләреннән махсус турлар оештырган. Фестивальнең максаты - Урта гасырлар эпохасының алга киткән вакыты, шул исәптән Алтын Урда чорында Болгар шәһәре территориясендә XIV- XV гасырлардагы көнкүреш, мәдәният һәм хәрби коралларны реконструкцияләү.

Фестивальне оештыручылар - Туризм буенча ТР Дәүләт комитеты һәм “Сулица” тарихи фехтования һәм реконструкцияләү үзәге”.

Беренче "Бөек Болгар" тарихи фестивале 2014 елда уздырылган иде.

Ачылыш тантанасында ТР Дәүләт Киңәшчесе, "Яңарыш" республика фондының Попечительләр советы Рәисе Минтимер Шәймиев, "Яңарыш" республика фондының башкарма директоры, ТР Дәүләт Советы рәисе урынбасары Татьяна Ларионова, Туризм буенча ТР Дәүләт комитеты рәисе Сергей Иванов, Спас районы башлыгы Камил Нугаев, ТР Дәүләт Советы депутаты, «Алексеевскдорстрой» ААҖ генераль директоры Фоат Валиев, ТР Дәүләт Советы депутаты Анастасия Исаева, ТР Министрлар Кабинеты Аппаратының ТР халыклары мәдәнияте һәм телләрен үстерү идарәсе башлыгы Гөлшат Нигъмәтуллина, Болгар музей-саклаулыгы директоры Фәргать Мөхәммәтов катнашты.

ТР Дәүләт Киңәшчесе, ТР Тарих һәм мәдәният ядкәрләрен яңадан торгызу республика фондының Попечительләр Советы рәисе Минтимер Шәймиев Зөя утрау-шәһәрлегендә булды.
Аны “Яңарыш” республика фондының башкарма директоры, ТР Дәүләт Советы рәисе урынбасары Татьяна Ларионова, ТР мәдәният министры Айрат Сибагатуллин, ТР транспорт һәм юл хуҗалыгы министры Ленар Сафин, Туризм буенча ТР Дәүләт комитеты рәисе Сергей Иванов, Яшел Үзән районы башлыгы Александр Тыгин, КФУ ректоры Илшат Гафуров, ТР ФАнең А.Х.Халиков исемендәге Археология институты директоры Айрат Ситдиков, ЮНЕСКО кафедрасының шәһәр төзелеше һәм архитектура ядкәрләрен саклау буенча Идел буе бүлеге җитәкчесе Рафаэль Вәлиев, “Зөя утрау-шәһәрлеге” музее директоры Артем Силкин, ТР Дәүләт сынлы сәнгать музее директоры Розалия Нургалиева һәм башка рәсми затлар озата йөрде.

ТР Дәүләт Киңәшчесе, “Яңарыш” республика фондының Попечительлек советы рәисе Минтимер Шәймиев бүген Болгарга эш сәфәрендә “Мәктәпкә җыенырга ярдәм ит” хәйрия акциясендә катнашты.

Татарстан Республикасы Дәүләт Киңәшчесе, “Яңарыш” республика фондының Попечительлек советы рәисе Минтимер Шәймиев Болгар тарих-археология комплексында булды, анда ул кунакханә комплексын төзү мәсьәләләре буенча күчмә киңәшмә уздырды.

Бүген кич белән Татарстан Республикасы Дәүләт Киңәшчесе Минтимер Шәймиев 2015 елгы Спортның су төрләре буенча XVI ДЧның йөзү буенча ярышларында булды. Финал ярышлары “Казан Арена” стадионында узды.