ЯҢАЛЫКЛАР

11-14 августта ТР Фәннәр академиясе президенты Әхмәт Мәзһәров Уфада эш сәфәрендә булды. Сәфәрнең төп максаты Башкортстан Республикасы Фәннәр академиясе җитәкчелеге белән очрашу һәм академия институтларында булу иде.

ТР мөселманнары Диния нәзарәте рәисе Госман хәзрәт Исхакый, Рамазан ае башлану уңаеннан, Татарстан мөселманнарына мөрәҗәгать белән чыкты.

4-6 сентябрьдә Казан Кремлендә узачак "Kremlin LIVE-2009" дип исемләнгән Беренче Ачык заманча мәдәният фестивале үткәрүгә ТР мөселманнары Диния Нәзарәте үз фатихасын бирә. Бу турыда бүген Казан Кремлендәге Эрмитаж үзәгендә үткән брифингта "Казан Кремле" музей-архитектур тыюлыгы директоры Рамил Хәйретдинов белдерә.

Татарстанның 15 спортчысы Универсиадага теләктәшлек итү йөзеннән 2013 километрга йөгерәчәк. Алар 2 атнада республика юллары буенча 2013 километр узачак.

"КАМАЗ"га "Роснефть" делегациясе килде. "Роснефть" ААҖ - "КАМАЗ"ның нефть һәм газ чыгару тармагы өчен автомобиль техникасы эшләп чыгару буенча иң эре корпоратив клиенты һәм мөһим партнерларыннан берсе.

Татарстан Республикасы Президенты Минтимер Шәймиев адресына Россия кулланучылар берлеге Директорлар советы рәисе Евгений Кузнецовтан телеграмма килде.

Казан Идел буе һәм Уралның уку, фәнни, белем бирү үзәгенә әйләнергә, өметләрне аклаучы киләчәк шәһәре булырга тиеш, - дип белдерде Казан мэры Илсур Метшин узган республика мәгариф һәм фән хезмәткәрләренең Казанда август киңәшмәсендә. Быел педсоветның пленар утырышы "Татарстан Республикасында мәгариф: хәзерге торышы, проблемалар һәм үсеш перспективалары" дигән темага багышланган иде.

Казан дәүләт университетының Энгельгардт исемендәге астрономия обсерваториясе якын көннәрдә ЮНЕСКОның Бөтендөнья мирасы объекты исемлегенә керергә мөмкин. Бу хакта кичә "AstroKazan-2009" Халыкара Астрономия конгрессы барышында журналистларга КДУның Энгельгардт исемендәге астрономия обсерваториясе директоры Юрий Нефедьев сөйләде.

3 - 19 сентябрьдә Россиядә Болгар мәдәнияте фестивале узачак. Аның кысаларында 10 сентябрьдә Казан Идел елгасы буйлап "Илья Репин" теплоходында сәяхәт кылган Болгар сәнгать осталарын каршылаячак.

19 августта Казанның Яңа Савин районында урнашкан 177 нче мәктәбендә республика педагогларының август киңәшмәсе үтә. Аның эшендә ТР Президенты Минтимер Шәймиев, Дәүләт Советы рәисе Фәрит Мөхәммәтшин, Премьер-министр Рөстәм Миңнеханов, министрлык-ведомстволар җитәкчеләре һ.б. катнаша.