ЯҢАЛЫКЛАР
Бүген «Хәзинә» милли сәнгать галереясендә фоторәссам, Татарстан Республикасының атказанган мәдәният хезмәткәре Михаил Козловскийның тууына 70 ел тулуга багышланган (1954 - 2018) «Михаил Козловский. Дәвер" дип аталган фотокүргәзмә ачылды.
Галереяның өч залында төрле жанрдагы 200дән артык эш тәкъдим ителгән. Төп өлеше Минтимер Шәймиевнең фотосурәтләреннән тора, чөнки Михаил Козловский 1992-2018 елларда ТР Президентының Матбугат хезмәтендә эшләгән. Михаил Козловский бүген күргәзмәне ачу тантанасында катнашкан Татарстан Республикасының Беренче Президенты Минтимер Шәймиевнең шәхси фотографы иде.
Бүген «ТИСБИ" идарә университетында СССРның (Россиянең) ЮНЕСКОга керүенә 70 ел тулуга багышланган «Тотрыклы үсеш мәнфәгатьләрендә мәгариф мохитеннән мәгариф экосистемасына күчү» халыкара фәнни-гамәли конференциясе ачылды.
Конференциянең пленар утырышында Татарстан Республикасы Дәүләт киңәшчесе, ЮНЕСКОның Игелекле ихтыяр Илчесе Минтимер Шәймиев, ЮНЕСКО эшләре буенча РФ Комиссиясенең Җаваплы секретаре Татьяна Довгаленко, РФ Федераль Собраниесе Дәүләт Думасы депутатлары Татьяна Ларионова һәм Олег Смолин, ТР Дәүләт Советының Мәгариф, мәдәният, фән һәм милли мәсьәләләр комитеты рәисе Айрат Зарипов һ. б. катнашты.
Бүген Мәскәүдә, Зур Кремль сараеның Андреевск залында Владимир Путинның Россия Президенты сайлауларында аны яклаган ышанычлы затлар белән очрашуы узды.
Очрашуда Россия Федерациясе Президенты вазыйфасына кандидат В.В. Путинның ышанычлы заты, Татарстан Республикасы Дәүләт Киңәшчесе, РФ Хезмәт Герое Минтимер Шәймиев катнашты.
Бүген Татарстан Республикасы Дәүләт Киңәшчесе Минтимер Шәймиев Россия Федерациясе Президентын сайлауда катнашты. Ул Татарстанның Лаеш районы Матюшино поселогы сайлау участогында тавыш бирде.
Бүген Татарстан Республикасы Дәүләт Киңәшчесе, РФ Хезмәт Герое Минтимер Шәймиев «Горький исемендәге Зеленодольск суднолар төзү заводы" АҖдә булды».
Аны Зеленодольск районы башлыгы Михаил Афанасьев, «Ак Барс «Берләшкән сәнәгать корпорациясе» АҖ генераль директоры Ренат Мистахов һәм «Горький исемендәге Зеленодольск суднолар төзү заводы" АҖ генераль директоры Александр Филиппов озата йөрде.
Бүген «Корстон» комплексында Халыкара хатын-кызлар көненә багышланган тантана узды.
Анда Татарстан Республикасы Рәисе Рөстәм Миңнеханов, Татарстан Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин һәм Татарстан Республикасы Премьер-министры Алексей Песошин катнашты.
Бүген Лаеш шәһәрендә «Зәйнәб" ак мәчете" Җәмыгъмәчете ачылды. Тантанада Татарстан Республикасы Рәисе Рөстәм Миңнеханов, Татарстан Дәүләт Киңәшчесе Минтимер Шәймиев, Казан мэры Илсур Метшин, Лаеш районы башлыгы Илдус Зарипов, шулай ук ТР Мөселманнары диния нәзарәте башлыгы, Татарстан мөфтие Камил Сәмигуллин катнашты.
Мәчет төзелеше 2019 ел ахырында башланган. Эшләр хәйриячеләр акчасына алып барылган. Манараны исәпкә алып, корылманың биеклеге 36 метр диярлек. Мәчет шәһәр үзәгендә Троицк соборы янында урнашкан.
Бүген С. Сәйдәш ис. концерт залында Ватанны саклаучы көненә багышланган тантана узды. Анда Татарстан Республикасы Рәисе Рөстәм Миңнеханов, ТР Дәүләт Киңәшчесе, Россиянең Хезмәт Герое Минтимер Шәймиев, ТР буенча баш федераль инспектор Виктор Демидов һ. б. катнашты.
Тантана залга Россия Федерациясе, Татарстан Республикасы дәүләт флагларын һәм Казан югары хәрби команда училищесы Байрагын кертүдән башланды. Россия Федерациясе һәм Татарстан Республикасы гимннары башкарылды.
Бүген Татарстан Республикасы Рәисе Рөстәм Миңнеханов махсус хәрби операциядә катнашучы Татарстан Республикасы хәрбиләре белән очрашты. Очрашу Ватанны саклаучылар Көнен бәйрәм итүгә багышланган һәм С. Сәйдәш исемендәге ДЗКЗда узды. Рөстәм Миңнеханов белән очрашуда ТР Дәүләт Киңәшчесе Минтимер Шәймиев, ТР буенча баш федераль инспектор Виктор Демидов, «Ватанны саклаучылар» фонды филиалы җитәкчесе Гүзәл Удачина, Россия Герое Рәсим Баксиков һәм башкалар катнашты.
Казанга эш сәфәре кысаларында Россия Федерациясе Президенты Владимир Путин видеоэлемтә аша перинаталь үзәк һәм яңа хоспис ачылышында, шулай ук «СИБУР Холдинг» ГАҖ фәнни тикшеренүләр һәм технологияләрне масштаблаштыру үзәген төзү тантанасында катнашты. Видеоконференциядә шулай ук Татарстан Республикасы Рәисе Рөстәм Миңнеханов һәм Татарстан Дәүләт Киңәшчесе, Республиканың беренче Президенты Минтимер Шәймиев катнашты.